Diyarname
Mebûsê DTP'ê yê Amedê Selahattin Demirtaş got ku heta niha tu demê erebeya bi plakeya sor nehatiye rawestandin û got: "Ev bûyer di dîroka komara Tirkiyeyê de yekemîn e. Bila ji bo gel û welat pîroz be."

Mebûsên DTP'ê yên Amedê Selahattin Demirtaş, Gultan Kişanak, Aysel Tugluk îro çûn Hênê û di vegerê de li gundê Tilelo ku 14 kîlometre li derveyî bajêr de ji aliyê polîsên trafîkê ve hatin rawestandin. Mebûs di erebeya bi plakaya sor a 021 a ku aîdê Meclisê ye de bûn. Polîsên trafîkê xwestin erebeyê bidin rawestandin û lêgerînê bikin mebûs Demirtaş nerazîbûn nîşan da, da zanîn ku ev bêhiqûqiyeke, ew nikarin erebeya bi plakeya sor bidin rawestandin.

Demirtaş li ser daxwaza daketina polîsê trafîkê ji erebeyê derket, tevî şaredar û konvoyê reya trafîkê girt. Li ser girtina rê rayedarên şûbeya trafîkê hatin cihê bûyerê, ji Demîrtaş lêborîn xwestin û xwestin ew rê vekin. Lê mebûsan rê venekir û xwest Walî û Midûriyeta Ewlehiyê van polîsên trafîkê ji peywirê bigirin; heta ji peywirê negirin dê dawî li çalakiya xwe neynin.
Di vê navberê de beşek ji rêveberên DTP'ê ber bi bûyerê ve ketin rê, ciwanên ku li navenda DTP'a Amedê çalakîya wan habûn daketin xwarê û govend gerandin, bûyer şermezar kirin. Polîsan ew kişand kamerayê, xirecir derket, polîsan gele ber da hewayê.
Polîsê Çevik Kuvetê navenda bajêr a DTP'ê dorpêç kirin, mebûsên DTP'ê ji bo ku tiştek pêk neyê ji cihê bûyerê bir bi navenda DTP'a bajêr ve ketin rê, hatin bi rayedarên polîsan re axivîn û polîsan dorpêçkirin ji holê rakir, xirecir bi dawî bû.

Serokê DTP'a Amedê Necdet Atalay li ber avahiya DTP'ê daxuyanî da û da zanîn ku ger li hemberî îradeya gel pêk bêhunretî pêk bê ev gel jî dê nerazîbûna xwe wekî refleksekê nîşan bide.

Mebûsê DTP'ê Demîrtaş jî qala bûyerê kir û wiha got: "Di dîroka Komarê de tu carê erebeya bi plakaya sor ji aliyê polîsên trafîkê ve nehatiye rawestandin. Yekem car li hemberî mebûsên DTP'ê ev yek pêk hatiye. Ev bêhurmetiyeke li hemberî gel. Polîsekî trafîkê bêyî şerm bike, bêyî li yên hundir binêre digel ku dizane em mebûsin jî dibêje, 'Dakevin xwarê ezê li ewraqên we binêrim'. Di dema ku sûceke nîn be, îhlaleke trafîkê jî nîn be de helwesteke wisa helwesteke niyetxirab e. Me li hemberî vê nerazîbûn nîşan da, ne mimkûn bû em vê qebûl bikin. Bêşik gelê me jî li hemberî vê bêdeng namîne. Ev bûyer di dîroka Komarê de yekemîn e, ji bo welat û gel pîroz be."

**

Nûçeya eleqedar: Rê li ber xebatên mebûsên DTP'ê tê girtin