Diyarname
Serokê Brezîlyayê Luiz Onacio Lula da Silva di hilbijartina duh li dar ket de ji bo cara çaremîn hat hilbijartin

Li Brezîlyayê, di hilbijartina serokatîyê ya sala 2026'an de, serokê heyî Lula bi ser ket. Bi vê bi serketinê re ne ser hev de, lê bi temamî ev dibe cara çaran tê hilbjartin.

Dora Duyemîn a Hilbjartinê roja 25'ê mehê li dar ket. Lula di dora yekemîn de li paş mabû û lê di dora duyemîn de bi ser serket.

64,3 MÎLYON DENG GIRTIN
Li gorî encamên fermî yên Dadgeha Bilind a Hilbijartinê (TSE), Lula sedî 51,79'ê dengan (nêzîkî 64,3 mîlyon deng) girtiye. Partiya wî Partido dos Trabalhadores (PT, Partiya Karkeran) e.

Reqîbê sereke yê wî Flavio Bolsonaro bû, senatorekî rastgir û kurê serokê berê Jair Bolsonaro bû. Flavio Bolsonaro ji Partido Liberal (PL – Partiya Liberal) e û wî sedî 48,21 deng (nêzîkî 59,8 mîlyon deng) girtin. Cudahî di navbera her duyan de nêzîkî 4,4 mîlyon deng bû.

DI DÎROKA BREZÎLYAYÊ DE CARA YEKÊ TIŞTEK WISA DIBE
Lula di dora yekemîn de (4'ê vê mehê li dar ketibû) paş ve mabû (nêzîkî %45,16 li hember %47,03 ê Flavio), lê di sê hefteyên di navbera her du doran de wî piştgirên xwe seferber kirin û serketineke nedîtî pêk anî. Ev cara yekemîn e di dîroka nûjen a Brezîlyayê de ku namzedekî ku di dora yekemîn de duyemîn bûye, di dora duyemîn de serketiye.

Berendamê têkçûyî Flavio Bolsonaro encam qebûl nekir û daxwaza betalikirina hilbijartinê kir, lê dadgeha hilbijartinê serketina Lula pejirand.

Lula di axaftina xwe ya serketinê de got ku ev hilbijartin “serketina demokrasiyê” ye û soz da ku welat bi awayekî cuda bi rê ve bibe.

Ev serketin di demeke ku li Amerîkaya Latîn gelek welat ber bi rastê ve diçin de pêk hat û Lula wekî yek ji serokên herî kevin û bi ezmûn ên Brezîlyayê careke din dest bi karê xwe dike. 

Sermayeya DYA'yê (Dewletên Yekbûyî yên Amerîkayê) piştgirî didan Bolsonaroyê, lê bi ser neketin.

SALÊN KU LULA BÛYE SEROKÊ BREZÎLYAYÊ
Lula yê ku niha cara çaran hat hilbjartin 81 salî ye. Ew di sala 1945'an de li Brezîlyayê hatiye dinê. Berê karkerekî metalê bû. Yek ji avakarên Partiya Karkeran e û ew xwe wekî sosyalîstê demokratîk bi nav dike. Hin armancên wî ew in ku newekheviya dahatûya aborî ji holê rake, xwedî li Daristanên Amazonê derê.
Lula di salên 1978-1980 yên dema dîktatoriya leşkerî ya Brezîlyayê de ji bo grevên karkerên ên bi navê ABC pêşengî kir. 
Dema Brezîlya ji cuntayê xilas bû, din av avakarên Partiya Karkeran de cih girt.
Di sala 1986'an de ji Eyaleta Sao Paulo bû mebûs. Di sala 1989'an de ji bo Serokdewletî bû berendamê lê di dora duyem de têk çû. Di salên 1994 û 1998'an de jî têk Çû. Lê di sala 2003'yan de bi ser ket. Paşê 2007'an de carek din hat hilbjartin. 
Lula di sala 2023'yan de ji bo serdema 2023 – 2027'an cara sisêyan hat hilbijartin û niha jî ji bo serdema 2027-2031'ê carek din hat hibijartin.