Komeleya Sarmaşikê li Amedê ji bo feqîran dixebite û alîkariya wan dike. Gelek kesên li bajarên cur bi cur dijîn bûne endamên komeleyê û her meh alîkariyeke diravî dikin. Hin kes jî bêyî bibin endam alîkariya madî dikin û komele jî van alakariyan digihîne kesên feqîr. Di bin banê komeleyê de beşeke bi navê "Bankeya Xurekê" heye ku ew jî alîkarî berhev dike û dûre belav dike.

Hevserokê KCD'ê Hatip Dicle kurtedemek berê nivîsî bû ku her kes di bankeyan de hesabên wan heye, hema ji wê hesabê mehê 10, 20 an 50 TL ji bo vir bişînin, dê gelek alîkarî bê kirin. Li ser vê yekê ji Girtîgeha Sîncanê ya Tîpa F kesek bi navê Hêjar Amedê nameyeke ji Dîcle re dişîne û dibêje: "Banga te gelek bala min kişand. Birayên min li ser navê min dikanek terxan kirine. Ez kirêya wê dikana xwe her meh diyarî vê xebata we dikim. Wê birê min bi we re bikeve têkiliyê." 

Hatip Dicle di nivîsa xwe ya nû ya di Ozgur Gundemê* de (30.12.2014) radigihîne ku birê Hêjar Amed ê bi navê Kerem piştî vî nameyî bi wan re ketiye têkiliyê û mesele çareser kirine.

Wekî Hêjar Amed her kes ji aliyê xwe ve dikare alîkariya Komeleya Sarmaşikê yan jî beşa wan a Bankeya Xurekê bike.

Dîcle li ser Hêjar Amed jî hin agahiyan dide: "Hevrêyê me Hêjar Amed di salên 90'î de li Amedê rastî êrîşa qontrayan tê, bar dike Stenbolê. Li wir di nav xebatên ciwanan de bi awayekî çalak kar dike û di encamê de tê girtin. Piştî tê berdan di sala 2003'yan de beşdarî gerîlayan dibe. Ew li başûrê Kurdistanê 3 salan dimîne, paşê di navbera salên 2006-2007-2008'an de li Dêrsimê, di salên 2009-2010 û 2011'an de jî li warên Behra Reş wekî gerîlayek dixebite. Di sala 2011'an de li Samsunê di pevçûneke de birîndar dibe. Ji ber pir xwîn jê diçe li cihek hinek dûrî cihê pevçûnê ji jixweçûyî tê qufaltin. Hê darizandina wîdidome."

Ji bo kesên bixwazin bi Komeleya Sarmaşikê yan jî Bankeya Xurekê re bikevin têkiliyên:

Komeleya Sarmaşik:

Navnîşan: Selahaddin Eyyubi Mahallesi Turgut Ozal Bulvari Aydın Şelale Evleri 10. Blok Kat: 4 No: 6 Baglar/Amed

Bankeya Xurekê: Selahattin Eyubi Mah. Aydin Arslan Bulvari Pektaş-2 Apt. Alti (Pişt Nexweşxaneya Sultan) Baglar / Amed

Tel : 412 237 66 00 - 0533 352 52 40

Mail: sarmasik21@gmail.com

Ji bo kesên bixwazin nivîsa Hatip Dîcle bi temamî bixwînin:
- Zindandan Mektup Var