Diyarname

Meclisa Partiyê ya HDP'ê civiya û li ser hilbijartina 2015'an biryara xwe ya dawî da: Ji bo "Jiyaneke Nû" HDP dê wekî partî beşdarî hilbijartinê bibe.

MP'ya HDP'ê û serokên bajaran ên HDP'ê rojên 6 û 7'ê vê mehê li hev civiyan û meseleya hilbijartina giştî ya 2015'an a li Tirkiyeyê nîqaş kirin. Di civînê de li ser hilbijartinê biryar hatin girtin. Biryara sereke ew e ku careke din erê kirin ku dê HDP ne wekî berendamên serbixwe, wekî partî beşdarî hilbijartinê bibe û ev yek teqez e. Ji daxuyaniyê dixuye ku HDP dê bi ser diruşma "Jiyaneke Nû" re dest bi xebatên xwe yên hilbijartinê bike.

Vane ji daxuyaniya piştî civînê ya MP'ya HDP'ê hin notên derketine pêş:

- Hatiye diyarkirin ku yên ji bo mafên civakî, çandî, nasnameyê têdikoşin; yên hêviya xwe ya demokrasî û aştiyê tînin ziman; yên qadên jiyana xwe û xwezayê diparêzin, yên daxwaza xwe ya hawir û ekolojiyê tînin ziman, HDP ji bo wan tekane alternatîf e. Ev yek careke din hate eşkerekirin.

- Di 7'ê pûşpera 2015'an de dê serdemeke nû dest pê bike, di hevkêşeya Meclisê de yên ku dixwazin "Jiyaneke Nû" ava bikin dê guherîneke mezin bikin.

- Serîlêdanên ji bo pêşberendamiyê dê roja 16'ê vê mehê dest pê bikin û heta 2'yê adarê bidomin. Emê berendamên xwe ligel muxalefeta berfireh a civakê, ligel rêxistinên xwe yên herêmî, meclisên xwe yên jinan û ciwaan, ligel saziyên xwe û li gor teamulên demokratîk diyar bikin.

- HDP cihê yên li Kobanî, li Sûriyê û li Rojava û li erdnîgariya Iraqê ji bo jiyaneke nû li hemberî  hovên DAIŞ ên li bazaran jinan wekî kole difroşin têdikoşinin e.

- Di xebatên hilbijartinê de bi dengdayînê piştgirî bidin partiya me.

- Bila tenê hemwelatiyek me jî yê/a xwe neqeydkirî nemîne, qeydên xwe raçav bike. - Bila tenê dengê xwe nede di heman demê de ji bo xwedî li dengên xwe derê bikeve nav xebata muşahidiyê jî û ji bo vê yekê serî li partiya me bidin.

- Banga me ya "Jiyaneke Nû" ji bo hemû mirovên li Tirkiyeyê ye. Di 7'ê Pûşperê de encax em bi hev re tevbigerin emê îro û pêşerojê bi dest bixin; em dikarin jiyaneke demokratîk a hevpar û wekhev ava bikin.