KNK, komeleyên kurd ên li Ewropayê, hin parlemen, nivîskar û rewşenbîran ji bo kurdî name ji rêberên dinyayê re şand.

Kongreya Neteweyî ya Kurdistanê (KNK) bi sernavê "Ji bo mezinên dinyayê name" nameyeke nivîsand. Name ji Sekreterê Neteweyên Yekbûyî Ban Ki-moon, Dîrektorê UNICEF'ê Carol Bellamy, Serokê Komîsyona Yekîtiya Ewropayê José Manuel Barosso, Serokê Demê yê Yekîtiya Ewropayê Serokomarê Fransayê Nicolas Sarkozy û Serokê Meclisa Nûnerên DYA'yê Nancy Patricia D'Alesandro Pelosi re hat şandin û di nameyê de xwestin ku ji bo perwerdehiya bi kurdî piştgirî bê dayîn.
Di nameyê de hate gotin ku "25 mîlyon kurd li Tirkiyeyê ji perwerdehiya û hînkirina zimanê kurdî bêpar e; ma ev kirin ne eybeke mirovahiyê ye?" û wiha hate berdewam kirin: "Em di wê baweriyê de ne ku hûn rewşa polîtîk a kurdan a li  Tirkiyeyê ji nêz ve dişopînin û bi rewşê dizanin. Nêzî 25 mîlyon kurd li Tirkiyeyê hene. Wekî hûn dibînin ev hejmareke mezin e lê li Tirkiyeyê hê jî bi kurdî axaftin li ber sînorê qedexeyê de ye û rîskên cidî yên polÎtîk li ber in. Jixwe di nav perwerdehî û hîndekariya fermî de bi temamî qedexe ye. Piştî salên 2000'î hem bi keda kurdan hem jî bi nêzîktêdayîna pozîtîf a Welatên Ewropayê hin guherînên biçûk çêbûn. Lê mirov nikare van wekî reformê bihesibînin û jixwe ev gavê ku wekî erênî têne nirxandin jî di pratîkê de neketin jiyanê. Rewşa dawî ev e: Di serî de axaftina bi kurdî, nivîs û xebata çand û hunerî ya bi kurdî wekî nêzîktêdayîneke siyasî tê dîtin û bi lêpirsînan re rû bi rû dimîne."

Di dawiya nameya dirêj de wisa hate gotin: "Li Tirkiyeyê digel tirkî bila kurdî jî bigirin nav sîstema fermî ya perwerdehî û hîndekariyê û bila wekî zimanê fermî yê duyemîn bikeve bin ewlehiya Zagona Bingehîn. Ji bo vê yekê em dixwazin hûn tesîra xwe ya li ser Tirkiyeyê bixin jiyanê."

Kesên name îmze kirine:

- Rojan Hazim (Nivîskar, Serokê Komîsyona Ziman û Perwerdehiyê yê KNK'ê)
- Derwêş Ferho, Serokê Enstîtuya Kurdî ya Brukselê
- Fehmî Balayî, Serokê Enstîtuya Kurdî ya Almanyayê
- Huseyin Xeliqî, Serokê Enstîtuya Kurdî ya Stockholmê
- Dr. Zedeşt Haco, Serokê Kurd PEN'ê
- Nizamettin Toguç, Serokê Kon-Kurdê, mebûsê DEP'ê yê berê
- Yekîtiya Mamosteyên Kurd
- Federasyona Komeleyên Elewiyên Kurd
- Federasyona Komeleyên Yêzîdiyan
- Civaka Îslamê ya Kurdistanê
- Ahmet Kahraman, Nivîskar
- Ali Yigit, mebûsê berê yê DEP'ê
- Amed Tîgrîs, Nivîskar
- Evdila Dirêj, Nivîskar
- Feleknas Uca, Mebûsa YE'yê
- Haydar Işik, Nivîskar
- Hêlin Evrîm Baba, mebûsa Eyaleta Berlînê
- Huseyin Kartal, Nivîskar
- Kazim Baba, Mamoste
- Medeni Ferho, Nivîskar
- Mehmet Şahîn, Nivîskar
- Mîrhem Yîgît, Nivîskar
- Nesimi Yaman, Helbestvan
- Dr. Remzi Kartal, mebûsê berê yê DEP'ê
- Serhat Bucak, Parêzer, Nivîskar
- Şemsettin Ahmet Aktaş, Nivîskar
- Şoreş Reşî, Nivîskar
- Prof. Dr. Şeyhmus Guzel, Nivîskar
- Zubeyir Aydar, parêzer, mebûsê berê yê DEP'ê

Ji ANF'ê hatiye girtin