Stenbol
20 partiyên siyasî û rêxistinên demokratîk, deklerasyonek hevpar weşandin û "Hêza Yekgirtî" diyar kirin.

Berî hilbijartina herêmî DTP, EMEP, SDP, ODP, EHP, ESP, TKP, DSÎP, Partiya Sosyalîst, Partiya Kesk, Federasyona Gelan a Demokratîk, Tevgera li Dijî Kapîtalizmê, Tevgera Kedî ya Sosyalîst, Halkevlerî, SODAP, TOP, Kaldiraç, HKM, KOZ, Rizgariya Proleterya, Teşebûsa 78'an jî di nav de nêzî 20 partiyên siyasî û rêxistinên demokratîk li Stenbolê hatin cem hev û daxuyaniyeke pêşkêş dikin.
Daxuyaniya ku bi ser navê "Hêza Yekgirtî" hate pêşkêş kirin de bi slogana "Di hilbijartinên herêmî de em jî hene" hate avakirin.

Hevseroka DTP'ê Emîne Ayna, Serokê Giştî yê ODP'ê Ufuk Uras, Seroka Giştî yê Partiya Sosyalîst Sevîm Bellî, Serokê Giştî yê EHP'ê Hakan Ozturk, Serokê Giştî yê EMEP'ê Levent Tuzel, Seroka Giştî yê Halkevlerî Oya Aslan, Nûnera ESP'ê Fîgen Yuksekdag, Cîgirê Serokê Giştî yê SDP'ê Ecevît Pîroglu, Serokê Giştî yê TKP'ê Aydemîr Guler, Cîgirê Hevserokê DTP'ê Mustafa Sarikaya, parlamentera DTP'ê ya Stanbolê Sebahat Tuncel, Serokê Rêxistina DTP'ê ya Stenbolê Halîl Aksoy, Cîgirê Serokê Giştî yê ODP'ê Alper Taş, Berdevkê Teşebûsa Federasyona 78'an Celallettîn Can, Nûnera Antî Kapîtalîst Turkan Uzun û Sungur Savran beşdarî civînê bûn.

Seroka Giştî ya Partiya Sosyalîst Sevîm Bellî, deklerasyona têkildarî hilbijartinên herêmî bi slogana "em jî hene" hatiye amadekirin xwend. Bellî, destnîşan kir ku qrîza aborî li tevahiya cîhanê belav bûye û derbirî ku sedema vê qirîzê jî hirsa karê ya kapîtalîzmê ye.
Bellî, destnîşan kir ku AKP ji serî de polîtîkayên sermayeya navneteweyî pêk tîne û wiha got: "Hikûmeta AKP'ê tevkara qrîzê ye. Hêzên desthiladtdar hewl didin derdorên kedê ber bi xwe ve bikişînin. Van hêzên han heta roja îro polîtîkaya xwe ya dagirkeriyê neguhertine. Ji bo çareseriya pirsgirêka kurd polîtîkayek cuda nîşan nadin."

Bellî, diyar kir ku berî hilbijartinên herêmî hêzên dagirker hewl didin dîsa qrîzekê bidin jiyandin û wiha got: "Dîsa hêzên dagirker di mijara pirsgirêka kurd de dektkeftiyên dewletê jî seferber dikin û bi destê AKP'ê hewl didin li dijî DTP'ê pêkutiyan zêde bikin. Li dijî AKP û CHP'ê dive em yekîtiyek ji bo qezencên gelan pêk bînin."

Bellî, ragihand ku wekî "Hêza Yekgiriya Demokratîk" hatine cem hev û wiha got: "Em ji bo redkirina wesayeta leşkerî, polîtîkayên nijadperest, cudakar û zayendîkar hatine cem hev. Her wiha ji bo çareseriya pirgirêka kurd û pirsgireka elewiyan, ji bo afirandina jiyanek azad û demokratîk em ê di 29'ê adara sala 2009'an de bi hev re bikevin hilbijartinên herîmî. Em ê bi rêveberiyên herêmî li hemberî polîtîkayên neo-lîbaral bisekinin."

Bellî, anî ziman ku bi qasî ji destê wan tên ew ê li tax, bajarok, navçe û bajêran xwe rêxistin bikin û diyar kir ku her wiha dê hemû derdorên muxalîf bînin cem hev.
Sevim Bellî, di dawiya axiftina xwe de got ku wê li dijî êrîşên nijadperest ên li hemberî DTP'ê bisekinin.

Ji DÎHA'yê hatiye girtin.

NOT: Nûçeyeke ku ji ajansekê hatibe girtin, bêyî destûra wê ajansê ya fermî bikaranîna wê ya di weşaneke din de qedexe ye.