Mêrdîn
Li Mêrdînê Komeleya Zimanê Kurdî ya Mezopotamyayê (Kom Kurdî-Der) bi merasimek hat vekirin. Mebûsa DEM Partî ya Mêrdînê Berîtan Guneş Altin, Hevşaredarê Bajarê Mezin ê Mêrdînê Ahmet Turk û gelek endam û rêveberên partiyên siyasî û saziyên civaka demokratîk û gelek kesên din beşdarî merasimê bûn.

Komele li Artûklûyê hat vekirin. Endamên Meclisa Dayikên Aştiyê qurdele birîn û komele vebû. 
Hevşaredarê Bajarê Mezin ê Mêrdînê ê Ahmet Turk ku ji peywirê hatiye girtin axivî. Turk diyar kir ku her roja diçe gelê kurd zêdetir li zimanê xwe xwedî derdikeve.

Piştî vekirina komeleyê girse ji bo pîrozkirina 15'ê Gulanê Cejna Zimanê Kurdî dest bi meşê kir û heta Parqa Karayolû meşiya. 

Çalakiya pîrozbahiya Cejna Zimanê Kurdî jî li vir li dar ket. Yek ji Rêveberê Kom Kurdî-Derê Mehmet Veysî Arpa li vir daxuyaniya wan xwend û got ku dewlet û hikumeta AKP'ê bi salan zimanê kurdî tune hesibandine. Arpa got ku li hemberî vê polîtîkayê wê têkoşîna wan bidome.

Mebûsa DEM Partiyê ya Mêrdînê Berîtan Guneş Altin jî axivî û got, “Tekoşîna bi salan e em ji bo ziman didin tenê ne ji bo kurdî ye, ji bo hemû zimanên herêmê ye. Ger îro zimanê me bibe zimanê perwerdeyê ev dewletê bêhêz nake, hêzê dide dewletê û divê zimanê me êdî bibe xwedî statu.”

Piştî axaftinan girseyê govend gerand û çalakiya xwe temam ki