Diyarname
Biryar hat girtin ku temaşevanên Amed Sporê neyên maça Fenerbahçe û Amed Sporê ya ku dê roja 3'yê mehê bê lîstin.
Amed Spor ku her bi cezayên di maça Fenerbahçeyê de jî dê bê alîgirên xwe bilîze.
Li Stenbolê di bin Serokatiya Cîgire Waliyê Stenbolê Azîz Mercan de Lijneya Ewlehiyê ya Sporê li dar ket û li ser ewlehiya maçên Kûpaya Zîraatê biryar hatin girtin. Piştî civînê biryar hat girtin û hat gotin ku li ser vegotin û daxwaza rêveberekî Fenerbahçeyê ku ew jî beşdarî civînê bûye biryar hatin girtin. Li gor biryarê dê temaşevanên tîma mêvan (yanê Amed Spor) negirin sehayê, ewlehiya polîsan dê li gor vê yekê tevbigire. Her wiha di vê maçê de wê 400 xebatkarên ewlehiyê yên taybet, 300 endamên Çevîk Kuvvet û 690 polîsên din bi giştî 990 polîs ji bo ewlehiyê li stadê û dor stadê bin.
Wekî notek: Di çarîk fînala Kûpaya Zîraatê maça duyemîn de Fenerbahçe û Amed Spor li Stada Şukru Saraçoglu ya Fenerbahçeyê dê bêne hemberî hev. Maça yekemîn li Amedê bi 3-3 mabû. Di encama wekheviya 0-0,1-1,2-2 de Fenerbahçe derbasî nîv fînalê dibe. Di encama 3-3 de maç derbasî demdirêjiyê, wekheviyên hê zêdetir bi golan bi kêrî Amed sporê tê. Di maçê de ji bilî wekhevî, kîjan tîm bikaribe kîjanî têk bibe (encam çi dibe bila bibe), tîma serketî derbasî nîv fînalê dibe, ya din diçe mala xwe.
Maç roja 3'yê adarê, saet 18.15'an de dest pê dike û hakêm Hakan Ceylan dê bi rê ve bibe. Cîgirên wî jî Sezgin Çinar û Gokmen Baltaci ne.