Diyarname

Qeybî sembolêke Terteley Dêrsimê yê 1938'î rê bêro vînayişî Hîndekarê Zanîngehey Dîcle Doç.Dr.Aziz Yagan kampanyay ke daw dest pa kerdişî. Yagan vano ke qaso merdim qal bikero endêke jî sembol muhîm o û wina dewan kerdo: "Qeybî nay joy qeybî Terteley Dêrsimê yê 1938'inan sembolêke lazim o. Ger sembol veciyo, di merasimê 4'ê gulanî yê Dêrsime de ma go nê sembolî serê plaket û pankartan de bixebetnê. Estey di malbatan ke 38'de hameybî kiştişî enka hameyê vînayişî û no merasim qeybî definkerdişê estey înan yeno viraştişî."

Yagan vano ke armancê yînan ew niyo ke Dêrsimî bidê naskerdişî yan jî weşikî Dêrsime vecê ravêr, armanc ew o ke Terteley Dêrsime bi awayke sade, bi sembolê ke bêro tarîfkerdiş. Yagan ana vano: "Sembol beno zehf bitewir bo, yan jî sade bo. Zahf rey esta çîke sade eşkeno heme çî biyaro ziwan. Mesela ermeniyan 'Çîçeka min xo vîr meke' kerdo hedre."

Yaganî yê ke eleqe bibê rê vato ke yê wazenê wa sembol bişrawê û qewbî ene joy adresê e-mailê xo dawo: yaganaziz@gmail.com