Amed

Fûara Kitaban ya Amedî ke Şaredarîya Bajarê Gird a Amedî organîze kena bi beşdarîya 72 weşanxaneyan Sumerparke de dest pa kerd. Hemşaredare Gultan Kişanak fûar de qisey kerd û vat ke TUYAP'î semedê henî sebeban Amed de fûar anêkerdo û vat, “Îmtîhanê parî motra ke ma eşkenê fûare akerê.”

Fûara Kitaban ya Amedîyo ke hetê Serekîya Daîrey Kultur û Hunerî ya Şaredariya Bajarê Gird a Amedî ra organîze bena, Sumerparke de bî a. Kişanakî xeberdanê destpakerdişî kerd. 

Mehmet Çakmakî nameyê Koordînasyona Fûare sero qisey kerd û îzah kerd ke, înan mîyanê 4 aşman de ene fûare kerda hedre, heme weşanxaneyê kurdan ameyî fûare, bi temamî 72 weşanxane fûareke estê."

Çakmakî aşkera kerd ke her sere go meymanêke/a rûmetî yê/a fûare bibo û înan emsar Ehmed Huseynî kerdo meymanê rûmetî. Çakmakî vat ke fuarê de panel, semîner, şiîrwendiş, tîyatro û konserî yenê viraştiş, mîyanê 6 rojan de de 75 bermaneyî virazênê..

Kişanakî zî qiseykerdişê xo de serê TUYAP'î de vindert û vat: “ TUYAP'î semedê henî sebeban fûare nêvirazeno. Îmtîxanê parî mot ra ke ma eşkenê fûare baş yînan başêrî vizarê. Seke yeno zanayîş herêm û bajarê ma prosesêko xidar ra vîyareno.  Tay bo zî ma eşkenê bi ene fûare henî boy xo bidê.. Wendiş û niştiş zey dermanîyo.”    

Dimay Kişanakî ra Meymanê Rûmetî Ehmed Huseynî zî şiîrê “Rojbaş Amed” wend. Hemşaredar Kişanak vilik û plaket da Huseynî. Kişanak û beşdaran fûar de pîya sohbet kerd û dima zî fûar geyray.

Fûare heta 22'yê aşme her roj saet miyanê 10.00 û 20.00 de akerdiya. 

**

Nûçeyên eleqedar:

- Vaye hemû çalakiyên Fûara Pirtûkan a Amedê 

- Vaye weşanxaneyên beşdarî Fûara Amedê dibin