Diyarname
Nivîskarê me Jan Dost piştî 15 salan careke din bi berhemeke helbestî derdikeve pêşberî xwendevanên xwe.

Li nav kurdên bakur nivîskarê malpera me Jan Dost bi destana xwe “Kela Dimdim”ê hat nasîn. (Ev destan digel li Stenbolê, li Bonna Almanyayê jî hat weşandin) Destan li ser berxwedana Kela Dimdim bû û bi ristên xweşik hatibû honandin.  Li bakur hema bêje her kesê bi kurdî re eleqedar ev dîwan xwend, jê hez kir. Bi vê re li bakur wekî helbestvan hat nasîn Jan Dost. Lê her ku çû ev nasnava wî guherî: Wî dest bi lêkolînan kir, dûre dest avêt romanan. Niha Jan Dost di nav heyecaneke din, heyecana destpêka nivîskariya xwe de ye; lewre piştî 15 salan, duyemîn pirtûka helbestan a Jan Dost tê.

Dîwana wî ya helebstan dê niha çap bibe. Navê dîwanê “Dîwana Jan” e.  Wî, tê de hemû helbestên xwe ên klasîk ku bi terzê Cizîrî, Xanî û Cegerxwîn û klasîkên din nivîsîne bi cih kirine.

“Dîwana Jan” dê ji aliyê dezgeha Semakurd li Dubay, Mîrnişînên Erebî were çapkirin. Xwediyê Semakurd û sponsorê belavkirina pirtûkan Arif Remedan e û li Dubay rûdine. Dezgeha wî salê çend pirtûkan ji nivîskarên kurd re çap dike û belav dike.  Sema Kurd îsal jî bernameyeke çapkirina pirtûkan daye ber xwe ku têde “Dîwana Jan” jî heye.

Wekî notek: Jan Dost di salên dawî zêdetir berê xwe dabû romanan. Pêşî romana Jan Dost, “Mijabad”a li ser Komara Mehabadê, dûre “Sê gav û 3darek” ya li ser Serhildana Şêx Seîd û herî dawî jî “Mîrname”ya ku li ser jiyana Ehmedê Xanî hatibû rêstin derketibû.