Diyarname
Komeleya Xwezayê û Kovara Atlasê ji bo Newala Dîcleyê ku Heskîf jî di nav de ye wekî Qada Mîrateya Dinyayê bê qebûlkirin dest bi berhevkirina îmzeyan kir.

Heskîf ku li Newala Dîcleyê ye herî hindik xwedî dîrokeke 10 hezar salî ye û xwedî giyanewerên ku ji ber kişwera global li ber têkçûnê ye. Di heman demê de ji 10 krîterên mîrateya dinyayê ya UNESCO'yê 9 jê di Newela Dîcleyê de hene. Dîsa li Heskîfê şopa 20 çandên cihê hene û ev der yek ji cihên herî kevnare yê jiyanê ye.
Niha Komeleya Xwezayê û Kovara Atlasê bal kişandiye ser van xalan û ji bo ku UNESCO Newala Dîcleyê ku Heskîf jî di nav de ye bixe nav Lîsteya Mîrateya Dinyayê dest bi kampanyayeke îmzeyan kir.
Li ser kampanyayê Kordînatorê Kampanyayê yê Komeleya Xwezayê Erkut Erturk da zanîn ku rizgarkirin û berdewamkirina jiyana Heskîf û Newala Dîcleyê berpirsiyariya mirovahiyê ye û wiha berdewam kir: "Me raporeke zanistî ku têne nirxa gerdûnî ya Heskîfê nîşan dide teslîmê Wezîrê Çand û Tûrîzmê Ertugrul Gunay kir û me jê di vî warî de piştgirî xwest. Lê Projeya Bendava Ilisu ji vê rastiyê û ji zaristê dûr e û dê 400 kîlometre qeraxa xwezayî ya çem û Heskîfê têk bibe. Bi vê kampanyaya îmzeyan em dixwazin Heskîf û Newala Dîcleyê wekî Qada Mîrateya Dinyayê ya UNESCO'yê bê parastin û Projeya Bendava Ilisuyê jî bê betalkirin."

Gerînendeyê Giştî yê Kovara Atlasa Ozcan Yuksek jî dide zanîn ku wan berê bi navê Sedaqet ji bo Heskîfê kampanyaya îmzeyan dabû dest pê kirin, di vî warî 70 hezar heb îmze berhev kiribûn û bi vê yekê me Heskîf û Newala Dîcleyê anîbûn rojevê.

Niha ji bo ku Newala Dîcleyê bikeve nav Lîsteya Qada Mîrateya Çandî ya Dinyayê kampanyayeke nû dan dest pê kirin. Îmzeyên ku bêne berhevkirin de ji Serokwezîra Almanyêyê Angela Merkel, Serokwezîrê Avusturya Werner Faymann, Serokwezîrê Swîsreyê Hans-Rudolf Merz û Serokwezîrê Tirkiyeyê Recep Tayyip Erdogan re bêne şandin.

Ji bo avêtina îmzeyê:
http://hasankeyfesadakat.kesfetmekicinbak.com/