Diyarname
Kovara Tîrojê di hejmara xwe ya nû de bi sernavê "Hilbijartina Kurdan" dosyayeke amade kiriye.

Hejmara 38'an a gulan-pûşperê ya kovara Tîrojê gihîşt ber destê xwendevanan. Kovar ku di hemû hejmarên xwe de dosyayeke amade dike di vê hejmara xwe de bala xwe daye ser hilbijartina herêmî ya 29'ê adarê û li ser encamên hilbijartinê fikirin û ramanên xwe aniye ziman.
Di dosyayê de Yucel Sarpdere, Erdogan Aydin, Vanap Çoşkun, Sibel Ozbudun, Yuksel Genç û Ahmet Yaşaroglu bi nivîsên xwe hilbijartin nirxandine.
Yuksel Genç di nivîsa xwe de gotiye, "Kurdan got 'Bê me çareserî nabe'. Kurdan bi rêyên xwe yên ku dane DTP'ê ji dewletê demokratîkbûyîn û çareserî xwestine. Rola muzakerekar û raçêvkar daye DTP'ê."
Ji Zanîngeha Doç. Dr. Dîcle Vahap Coşkun daye zanîn ku AKP bi awayekî şaş nêzî hilbijartinê dibe.

Di kovarê de gelek nivîs, nirxandin, çîrok û helbest hene. Yek ji wan helbestvan Lal Laleş nivîsandiye. Laleş bi sernavê "Biratiya helbestî ya ziman û çandan" li ser Nazim Hikmet, Cegerxwîn, Kamûran Elî Bedirxan, Qedrîcan û pêre jî helbesta wan nivîsa xwe pêşkêş kiriye.
Mehmet Bayrak jî bi sernavê "Berî Îslamê di helbesta kurdî de Elewîtiya Yaresanê" ketiye nav dîrokê.
Ferhad Girêyêran çîroka Liliana Heker a bi navê "Şahiya ku hatiye dizî" wergerandiye kurdî.
Zimanzan Zana Farqînî jî bi sernavê "Divê werger ji zimanê resen bê kirin" nivîseke nivîsiye û têde dixwaze ku ji zimanê duyem werger neyê kirin. Farqînî di vî warî de navê hin pirtûkan û wergerên wan jî daye û mijara xwe pêşkêş kiriye.

Her wiha di kovarê de nivîs, nirxandin, çîrok û helbestên kesên wekî Eylem Yildizer, Sennur Sezer, Zahrad, Erdal İmrek, Tevfik Taş, Dr. Omer Uluçay, Şengul Ogur, Mehmet Bayrak, Roşan Lezgîn, Cuma Boynukara, Wehab Tilermen, Fehi Işik, Muge Tuzcuoglu, Hudaî Morsumbul, Serpil İlgun, Lokman Polat, Receb Dildar, Evrim Alataş, Bawer Ronî, Firdevs Periloglu, Bariş Avşar, Ahmet Ada, Enwerî, Yûsiv Biyanî û Bargiran Şanaz hatine weşandin.

***

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.