Diyarname

Rêberê FARC'ê (Hêzên Çekdar ên Şoreşger ên Kolombiyayê) Rodrigo Londono piştî peymana aştiyê ligel hikumetê îmze kir ji mexdûrên şerê navxweyî mirine lêborîn xwest.

Londono ku bernavka wî "Tîmoşenko" ye wisa got: "Di dema vî şerî de ji ber hemû êşên em bûne sebeb ez efûyê dixwazim."

Rodrigo Londono li merasima ku li Cartagenayê li dar ket ev gotin kirin û kesên temaşe dikirin li ser piyan jêre li çepikan dan. Londono dema diaxivî û gotina "Şer xilas bû û niha dema avakirina aştiyê ye" vedigot, dengê balafirek şer ê girêdayî Hêzên Hewayî yên Kolombiyayê hat; ew bişirî û ev lê zêde kir: "Vê carê ji bo hurmeta xwe ya ji bo aştiyê nîşan bidin hatin, ne ji bo bombekirinê."

Serokomarê Kolombiyayê Juan Manuel Santos jî bi van gotinan pesnê destjêberdana çekan a FARC'ê da: "Guleyan guherandina bi dengan, guherandina çekan bi fikran ji bo her komên çekran biryara dilpola û aqilane ye."

Di merasima ku Santos û Londono peyman îmze kir de hestiyarî serdest bû. Beşdaran kincên spî li xwe kirin. Peyman bi pênûnes ji guleyê hatibû çêkirin hat îmzekirin. Di peymanê de 9'emîn Senfoniya Beethoven "Pesna Dilşadiyê" hat xwendin.

'Nêzî 260 hezar kes mirin'

Ji sala 1964'an ve ev şerê navxweyî dest pê kiriye û heta niha nêzî 260 hezar kes mirin, 6 mîlyon kes mecbûr ma mala xwe terk bikin. Rêveberiya Botoga û FARC'ê piştî amadehiya 2 salan di sala 2012'yan de dest bi hevdîtinan kir. Peymana li ser li hev kirin roja yekşemê dê bibin referandûmê. Lêkolîn nîşan didin ku dê raya giştî ya Kolombiyayê piştgirî bidin referanmûdê. Lê beşek ji gel dijî biryara rêberên FARC'ê bêyî bikevin hepsê bibin endamên Kongreyê.

Nûçegîhana BBC Lyse Doucet ku li Carteganayê merasim dişopand got ku gelek kolombiyayî hê ne amade ne ku FARC'iyan efû bike. Li gor nûçegihan li vir tiştê muhîm wekî Serokomarê Kolombiyayê Juan Manuel Santos got avakirina aştiyê.

Ger peyman di referandûmê de bê qebûlkirin FARC dê bibe partiyeke siyasî û di sala 2018'an ed dê beşdarî hilbijartinê bibe. li gor peymanê di hilbijartina pêşî de herî hindik 10 kursî dê bidin FARC'ê.

Serdemên muhîm ên 52 salan

- 1964: FARC wekî baskê çekdar ê Partiya Komunîst a Kolombiyayê hat avakirin.

- 2002: Hema bibêje ji sisêyan yekê welat ji aliyê FARC'ê ve dihat kontrolkirin û 20 hezar hêzên wan ên çekdar hebûn. Rêxistinê Senator Ingrid Betancourt û dîlên din ku revandibûn 8 salan bernedan.

- 2008: FARC'ê di têkoşîna xwe ya çekdarî de derbeyên mezin xwarin.

- 2012: Hikumeta Kolombiya û FARC'ê li Havanaya Kubayê dest bi hevdîtian kir.

- 2016: Her du aliyan şerawestin ragihand, paşê peymana aştiyê îmze kirin.

Ji BBC hatiye girtin