Diyarname

Îro Seroka Rêveberiya TUSÎAD'ê Cansen Başaran Symes di civînek ku Serokwezîrê Tirkiyeyê Binali Yildirim jî lêbû axivî û got: "Hin kirinên OHAL'ê (Rewşa Awarte) bûn sedem ku bi taybetî li Anadoluyê ticaret xira bibe. Di gavek zûtir de divê OHAL rabe, dîsa em li bendê ne dawî li bi rêveberiya KHK'ê (Biryarnameyên di Hukmê Zagonê de) bê. Divê bingeha lihevkirina civakî bê sazkirin, gotinên parçekirinê çêdikin êdî neyên bikaranîn."

Vane hin gotinên Symes:

- Yekîtiya Ewropayê hevpariyek e. Banga me ew e ev qeyran bê çareserkirin. Tirkiye divê ji biryarên bi salan berê dane bi paş ve neavêje. Nîqaşa cezayê îdamê jî em wekî tiştek talûke dibînin.

- Zêdebûna dovîzê helbet ne ji ber Tirkyeyê ye lê pereyê ku herî zêde li hemberî vê yekê ji qîmetê dikeve TL ye.

- Divê em têkoşîna bi terorê re ji meseleya pirsgirêka kurd ku ev yekbûna civaka me, welatê me eleqedar dike cuda bigirin dest. Pevçûnên ku çêdibin dibin li nav civakê dibin sedema bêaramiyê.

- Em daxwaz dikin ku sazkirina ewlehiyê nebe sedema binpêkirina ewlehiya civakî.