Diyarname

Ji nehatina temaşevanên Lyonê ji bo Stenbolê heta Messi û çaygera Newcastle, vane sê nûçeyên di sporê de îro derketin pêş:

Lyon: Ji ber ewlehiyê em temaşevanên xwe nabin Stenbolê

Tîma Fransayê Lyon maça xwe ya yekemîn li Lyonê dê ligel Beşîktaşa Stenbola Tirkiyeyê bilîze, saça duyem roja 20'ê avrêlê li Stenbolê dê bilîze. Tîmê ragihand ku ji ber ewlehiyê ew dê temaşevanên xwe neynin Stenbolê.

Li gor nûçeya SporX'ê Menajerê Sehaya Stade de Lyon Xavier Pierrot gotiye ku balyozgerê Fransa yê Enqereyê û serbalyozgerê Stenbolê ew hişyar kirine û ev yek lê zêde kiriye: "Min dixwest temaşevanên me ligel me bin. Bilêtên me hene lê em nikarin wan bibin Stenbolê û bikevin bin vî barî. Emê teqez temaşevanan nebin. Wan deman li Tirkiyeyê referandûm heye. Di rewşek wisa de em nikarin bikevin nav talûkeyê. Par derbe çêbûbû, di meha berfanbarê de jî nêzî Stadê bombe teqiyabû. Em teqez ewlehiyê difikirin."

Messi be jî ceza tê birîn!

Ji bo maçên hevtêkbirinê yên Kûpaya Cîhanê ya 2018'an Arjantîn û Şîlî derketin pêşberî hev. Arjantîn bi gola Messi bi 1-0 bi ser ket lê gotinên Messi yên li hemberî hakêm mohra xwe li maçê da. Hatg otin ku Messi li hemberî hakêm Michael van Gasse gotin kirine û ji ber vê yekê der barê Messi de lêpirsîna dîsîplînê hat dest pê kirin. Di encamê de FIFA'yê çar maç ceza li Messi birî.

Di koma xwe de Arjantîn bi 21 pûanan di rêza sêyemîn de ye û 5 maçên xwe yên dawî dê bê messi bilîze.

Di hevtêkbirinên Başûrê Amerîka ya ji bo Kûpaya Cîhanê de heta niha 13 maç hatine lîstin û Brezîlya bi 30 pûanan di rêza yekemîn de ye. Ûrûgûay xwedî 23, Arjantîn bi 22 pûanan di rêza seyêmîn de ye. Di 6 maçên Messi lîstine de Arjantîn 5 caran bi ser ketiye û carek wekhev maye. Di 7 maçên Messi têde nelîstiye de Arjantîn tenê di maçek de bi ser ketiye. Wisa dixuye bê Messi rewşa Arjantînê zehmet e.

50 salan çay belav kir

Jinek bi navê Kath Cassidiy tam 50 salan ji bo tîma fûtbolê Newcastle çaygerî kir ku navê "Çayger Xanim" lê kiribû. Çaygera 90 salî niha wefat kir.

Kath Cassidiy di sala 1963'yan de li klûbê dest bi kar kir, di 50 salan de ligel 26 rêveberên cuda xebitî ku heta niha ji rêveberan heta lîstikvanan her kesî jê hez dikir.

Di sala 2005'an de Cassidy di civîna çapemeniyê de çay dabû Graema Souness û bi vê yekê li Îngilistanê ketibû rojevê.