Diyarname
Kompaniyek taybet a bi navê Moon Ekspress dê erebeyek bişîne hîvê û ji bo vê yekê dîroka ku dê bikeve nava tevgerê eşkere kir.
Kompanî wekî hedef daye ber xwe ku li hîvê madenkarî bike; ger bi ser bikeve dê bibe yekemîn kompaniya ku diçe hîvê. Kompaniyê ragihand ku hedefa wan ew e di sala 2018'an de herin hîvê û ji bo vê yekê 45 mîlyon dolar pere veqetandine.
Google pêşbaziyek bi navê "Lunar X Prize" dabû dest pê kirin û diyar kiribû ku kompaniyek heta roja dawî ya 2017'an erebeyek bişîne hîvê dê 20 mîlyon dolar xelatê bide wê. Lê divê herî hindik sedî 90 butçeya vê amûra bişînin ji fonên taybet be.
Kompaniya Moon Ekspress berê ragihandibû ku heta dawiya 2017'an ew dê erebeyek bişînin hîvê lê niha ragihandin ku dê di sala 2018'an de bişînin.