Diyarname
Dr. Omer Uluçay du pirtûkên nû ji Weşanên Gozde derxist. Ji van yek li ser pêşniyara alfabeyeke nû ya ji bo kurdî ye û ya din jî lêkolîneke li ser çîroka Siyabend û Xecê ye.

Nirxandina Siyabendan

Nivîskar Dr. Omer Uluçay bi ser bîstî de pirtûk bi tirkî weşandine. Piraniya pirtûkên wî li ser lêkolînê ne. Niha du hebên din jî ji wan derketin ku her du jî bi tirkî ne.
Yek ji wan bi navê "Sîyabendê Silivî" ye ku li ser çîroka "Siyabend û Xecê" lêkolîn hatiye kirin, vegotinên cihê yên vê çîrokê hatiye pêşkêş kirin.
Ew dibêje ku ev çîroka li cihên cur bi cur bi navên cur bi cur tê bi nav kirin û ev nav ji wisa rêz kiriye: Siyamend, Siyahmend, Siyabendê Silê, Siamanto, Siyabendê Sulufî, Siyabend û Xecê, Siyabend û Xeca Zer.
Heta niha kesên wekî Huseyîn Erdem, Ahmet Aras, Celîlê Celîl-Ordîxanê Celîl, Heciyê Cindî - Emînê Evdal, Zeynelabidîn Zinar, M.S.R.el Bûtî li ser vê çîrokê tiştin nivîsandibû û Uluçay jî ev venêrîna wan nirxandiye.
Di dawiya pitûkê de aliyên hevbeş ên doza felekê ya Siyabend û ya Gilgamêş û beşên wan ên mîtolojîn daye ber hev.

Pêdiviya kurdan bi alfabeyeke nû heye?

Pirtûka din a Uluçay bi navê "Kurtçe Latini Alfabe, Tartişma ve Kongre Onerisi" (Alfabeya Latînî ya Kurdî, Nirxandin û Pêşniyara Kongre" hatiye weşandin.
Di vê pirtûkê de jî nivîskar Uluçay li ser alfabeyên latînî yên ku zimanzanên kurdan amade kirine disekine, diyar dike ku hin kêmasî têde hene. Uluçay dibêje ku divê hin tîp lê bêne zêdekirin û wan jî di pirtûkê de nîşan dide.

***

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.