Diyarname
Di Koma E ya Kûpaya Cîhanê de maça diduyan di navbera Brezîlya û Swîsreyê de bû. Erê her kesî hem ji bo maçê, hem ji bo kûpayê Brezîlya wezî favorî nîşan dida lê Swîsreyê jî nîşan da ku ew ne loqmeyê biçûk e.
Maç bi heyecan dest pê kir. Nîveka yekemîn li gor daxwaza Brezîlyayê dimeşiya, ew serdest bû, bi heyecan û bi daxwaz bû. Di deqîqeya 20'î de bi Coutinho got "ez mezin im", heta dawiya nîveka yekemîn ev "mezin"iya wê dom kir lê di nîveka duyemîn de Swîsreya nedixwest ji maçê bê pûan derê xwe nîşan da. Swîsreyê di deqîqeya 50'î de bi Zuber bersiva Brezîlyayê da û encam bû 1-1.
Piştî vê kêliyê êrîşên Brezîlyayê her dom kirin, beremberî wê berxwedana û pêre jî carinan êrîşên Swîsreyê. Lîstikvanên Swîsreyê her ku gog digirtin ne bi heyecan, bi aqil tevdigeriyan û vê yekê tam 90 deqe dom kir: Di dawiyê de bi yek bi yekî, her du tîman pûan bi hev re parve kirin.
Maça yekem a Koma E di navbera Kosta Rîka û Hirvatistanê de bû û hirvatan bi 1-0 bi ser ketibû û sê pûan girtibûn. Niha Hirvatistan xwedî 3 pûanan, Brezîlya û Swîsre her yek yek pûan û Kosta Rîka bêpûan e.