Diyarname
Heta niha di Kûpaya Cîhanê de tiştek wisa çênebûbû, yekem car çêbû. Japonya bi pûanê Fair-Play ji komê derket û derbasî Dora 16'an bû.
Di Koma H de îro maçên dawî hatin lîstin: Polanya û Japonya hatin hemberî hev. Di maçê de Japonya 2-0 têk çû. Di maça din a komê de Kolombiyayê Senegal bi 1-0 têk bir. Piştî van encaman  Kolombi bi 6 pûanan wekî yekemînê komê ji komê derket.
 Japonya û Senegal jî di 4 pûanan de man. Wê kîjan tîm ji komê derketin? Her du tîm jî xwedî heman pûanan, xwedî heman averajê bûn û di encamê de bi pûanê Fair-Play a di 3 maçan de Japonya ji komê derket. Ji ber ku Japonya di van 3 maçan de ji Senegal kêmtir qert dîtibûn. Di 3 maçan de Senegalê 6 qert, Japonyayê tenê 4 qertên sor dîtibûn.
Di dîroka Kûpaya Cîhanê de yekemîn car tiştek wisa çêdibe. Bi vê Japonya derbasî nav Dora 16'an bû.

Yekemînê Koma G Belçîka ye
Di Koma G de jî Belçîka û Îngilistan ku her du jî ji komê derketibûn û her du jî xwedî 6 pûanan bûn hatin hemberî hev. Di deqîqeya 51'ê de Januzaj li ser navê Belçîkayê golek xweş avêt û tîma xwe derxist pêş. Bi vê encamê Belçîka bû xwedî 9 pûanan û wekî yekemînê komê ji nav komê derket.

Reqîbên dawî jî diyar bûn
Di encama maçên dawî yên van her du koman de û şikilgirtina rêza nav koman reqîbên di Dora 16'an de jî diyar bûn. Yekemînê Koma G Belçîka û duyemînê Koma H Japonya bûn reqîbên hev.
Yekemînê Koma H Kolombiya û duyemînê Koma G Îngilistan bûn reqîbên hev.

 ***

Ji bo agahiyên berfirehtir fermo rûpela me ya taybet:

- RÛPELA TAYBET A KÛPAYA CÎHANÊ 2018