Diyarname
Ji roja ku hate revandin, heta kuştin û heta îro agahiyên li ser xwendekarê kurd Serdeşt Osman:

Xwendekarê Kojela Ziman Zanîngeha Selahedînê yê bi navê Serdeşt Osman roja 4'ê vê mehê ji aliyê kesên nenas ve hat revandin. Serdeşt Osman di zanîngehê de beşa îngilîzî dixwend. Ew di heman demê de du sal bûn ku karê rojnamegerî dikir. Serdeşt Osman di rojnameya Aştînameya Bizava Demokratîk ya Gelê Kurdistanê de kar dikir.

Rojek dûre (05.05.2010) hevalên wî û xwendekarên zanîngehê çalakî li dar xistin ku ew bê dîtin.

Heman rojê malpera Pukmedia'yê bi hêzên ewlehî yên Hewlêrê rewşa Serdeşt Osman pirsî lê wan ragihand ku haya wan jê nîn e.

Termênê rojnameger Serdeşt Osman di roja 06.05.2010'an de li Misûlê hate dîtin.

Cenazeya Osman roja 6'ê mehê li goristana li Hewrêlê hate binaxkirin.

Roja 7'ê mehê rojnamegerên kurd ên li Silêmaniyê ji hikumetê xwest ku li ser bûyerê bisekine û kujeran derxe holê.

7'ê mehê Komîteya Parastina Azadiya Rojnamegeriyê û Mafê Rojnamegeran li Sendîkaya Rojnamegerên Kurdistanê, derbarê revandin û kuştina rojnameger Serdeşt Osman, belavokek belav kir û tê de kuştina Osman bi dijwarî şermezar kir.
Di belavokê de wisa hate gotin: "Em wekî Komîteya Parastina Azadiya Rojnamegeriyê û Mafê Rojnamegeran, vî karî bi dijwarî şermezar dikin daxwazê ji wezareta navxwe dikin ku bilez bidûvdaçûn ji bo vî karî tirsnak û li dijî mirovayiyê bike û tawanbarên vî karî bibîne û cezayê qanûnî li wan bibire çimkî karê ku hatiye pêkanîn ji bo azadî û mafên mirovan metirsî ye û gef li asayîş û îstîqrara herêma Kurdistanê dixwe.”

Her wiha di belavokê de hate gotin: "Em raya haydar dikin ku ji bo bidûvdaçûna vê arîşeyê komîteyeke me têkilî bi birêz wezîrê navxwe yê herêma Kurdistanê daniye û wezîrê navxwe jî ji me re got emê ji bo dîtina tawanbarên vê bûyerê tiştê ku ji destê me bê bikin.”

Derheqê revandin û kuştina rojnameger û xwendekar Serdeşt Osman de, berdevkê hikûmeta Herêma Kurdistanê daxuyanî da û got: "Hikûmeta Herêma Kurdistanê bi tundî revandin û şehîdkirina rojnamevan û xwendekarê zanîngehê Serdeşt Osman dike ku 4’ê vê mehê ji aliyê kesên nenas ve li bajarê Hewlêrê hate revandin û piştî du rojan jî termê wî li Mûsilê hate dîtin.
Hikûmeta Herêma Kurdistanê radigihîne ku şehîdkirina Serdeşt Osman tawaneke mezin e, mebesta sereke ya wî karî hovane êrîşkirina ewlekariya Herêmê û êrîşkirina jiyan û azadiya xelkê ye. Lewra aliyên ewlekariyê yên pêwendîdar li ser aşkerekirina wê bûyerê dixebitin, ji bo ku tawanbar bên dîtin û cezakirin zanyariyan kom dikin û bi hûrî bi dûv de diçin.

Hikûmeta Herêma Kurdistanê li ser vê bingehê xwe bi parêzer û berpirsê jiyan û selamatiya welatiyan dizane û wek erka ser mile xwe dizane ku bi mebesta rêgirtin li tawan û cezakirina tawanbaran hemû tedbîrên yasayî bigire."

Di roja 8'ê mehê rojnameger Keywan Estere di Ajansa Nûçeyan a Firatê (ANF) de nûçeyeke li ser kuştina Serdeşt Osman weşand û di nûçeyê de wisa hate gotin: "Osman nûçeyên ku malbata Barzanî û hikumeta kurd rexne dikir dinivîsand. Li ber zanîngehan ku Pêşmerge parêzvaniya wê dikin de Serdeşt Osman hatiye revandin. Wê demê xetên telefonê hatibûn birîn, heta Misûlê li ser rê hemû qontrol derbas kirine, ev yek jî şikê dibe ser Ajansa Parastinê ku Mansûr Barzanî berpirsêwê ye."

Di nûçeya ANF'ê de birê Osman Serdar Osman wisa gotiye: "Min birê xwe bi erebeyê bir ber zanîngehê. Dema ew revandin min ew nedît. Lê li ber deriyê zanîngehê gelek pêşmerge ji bo parastinê hebûn."
Her wiha Osman gotiye ku birê wî gelek caran hatiye tehdîdkirin.

Di nûçeya ANF'ê de li ser 10 xalan bal hatişe kişandin û ji wan xala herî balkêş jî ev e: "Serdeşt Osman direvînin û heta Misûlê dibin. Di navbera Hewlêr û Misûlê de herî hindik 10 cihên lêgerînê hene. Tu erebeyeke bêyî li van deran bisekine nikare here. Li ser rê ne tenê lêpirsina leşkerên kurd, di heman demê de leşkerên Iraq û yên DYA'yê jî qontrolê dikin. Kesên çekdar ku Osman revandine çawa ji van deran serbest çûye û gihaye Misûlê?"

Serdeşt Osman, digel rojnameya Aştiname, di malperên wekî sbeiy.com, awene.com, hawlati.info û lvinpress.com de bi navê Deştî Osman nivîs dinivîsand. Wî herî dawî di Samal Post ku li Hewlêrê derdiket de kar diki

Diyarname - ANF - Pukmedia.com/kurdi