Diyarname

Li Yewnanistanê jî parlemenê deng dan û guhartina nav erê kir. Erê welat dikarin navên xwe jî biguherînin ku ger ev di xizmeta vî welatî de be. Em qala Makedonyayê dikin.

Makedonya parçeyek Yugoslavyayê bû. Piştî ku Yugoslavya di sala 1991'ê de parçe bû, Makedonya jî bi serê xwe ma û bû serbixwe. Bû lê Yewnanistanê nexwest Makedonya navê "Makedonya"yê bikar bîne. Ji ber vê xesasiyetê Makedonyayê di gelek çalakiyên navneteweyî wekî spor, muzîk û hwd de navê "FYROM" (Makedonyaya Komara Yugoslavyaya Berê) bikar dianî. Ji ber navê Makedonyayê welatê Yewnanistanê nedihişt Makedonya bi temamî beşdarî Yekîtiya Ewropayê bibe û dengê "na" dida. 

Ev 30 sal in pirsgirêk dom dikir

Yewnanistanê her ji wan dixwest ku navê xwe biguhenin. Sedema Yewnanistanê jî ev e: Li başûrê Yewnanistanê Selanîk jî di nav de herêmek heye ku navê wir Makedonya ye û Yewnanistan wê derê wekî "mîrateya dîrokî ya yewnanistanê" dibîne û loma naxwaze navê Makedonyayê li welatek din hebe. Li ser vê yekê nîqaşa di navbera Yewnanistanê û welatê Makedonyayê de ev nêzî 30 salan e didome. Ji par de di navbera Atîna û Uskupê de li ser vê û li ser lêgerîna navek nû dan û standin hene. Makedonyayê biryar da ku navê xwe biguherîne û bike "Komara Bakurê Makedonyayê" lê divê parlemena Yewnanistanê jî ji bo vê yekê dengên erê bida. 

20'ê mehê li Yewnanistanê nêzî sed hezar kesî li Atînayê çalakî li dar xist û ji hikumetê xwest ku navê nû qebûl nekin, ji ber ku li gor wan "Makedonya Yewnanistan e."

153 mebûsê erê kir

Li Yewnanistanê dengdan dê vê înê çêbiba. Lê vê carê partiya şirîka biçûk a hikumetê ANEL (Yewnanistana Serbixwe) ev dengdan qebûl nedikir lewma ji hikumetê vekişiya, lê Serokwezîrê Yewnanistanê Aleksis Çipras li meclisê dengdan çêkir û piraniya mebûsan erê da hikumetê. Piştî hikumetê ji nû ve erê girt, dengana ji bo navê Makedonyayê li dar ket. Di encama dengdana ku îro li dar ket de 153 mebûsê dengên erê dan, 146 jî dij derketin. Di dawiyê de navê Makedonyayê wekî Komara Bakurê Makedonyayê hat qebûlkirin.

Piştî vê Yewnanistan hem ji bo beşdariya Yekîtiya Ewropayê hem cih girtina di nav NATO'yê de dê vetoya xwe rake.

Dîroka Makedonyayê

Makedonyaya ku niha navê Komara Bakurê Makedonyayê li xwe kiriye di 8'ê rezbera 1991'ê de serxwebûna xwe ragihand. Li nav cihê ku Albeniya û Yewnanistan digihên hev cih digire. Makedonya bi Çemê Vardar û çiyayên bi 2 hezar metre bilind navda e. Golên wê yên wekî Ohri, Prespa û Doyran hene û ev navdar in. Paytexta Makedonyayê Uskup e.

Serjimariya Makedonyayê 2 mîlyon e û navê pereyê bikar tîne Dînar e. Li Makedonyayê zimanê fermî makedonî ye lê zimanên wekî albenî, tirkî, romanî, ûlahî, sirbî têne nasîn û qebûlkirin.

(Ev nûçe ji ajansan hatiye berhevkirin û bi zimanê bê fêmkirin hatiye sazkirin)