Diyarname

Siyasetmedar Nêçîrvan Barzanî ji bo Serokatiya Herêma Kurdistana Federal sond xwar û bi awayekî fermî bû Serokê Herêmê.

Ji bo sondxwarina Barzanî îro li Salona Konferansê ya Saîd Ebdullah merasimek li dar ket. Serokê Herêma Kurdistanê yê berê Mesûd Barzanî. Merasim li dor saet 12'yan dest pê kir.

Di merasimê de Serokê Herêma Kurdistanê yê berê û Serokê PDK'ê Mesûd Barzanî, Serokwezîrê Iraqê Berhem Salih dîsa ji Iraqê Serokê Parlamentoya Iraqê Muhemed Helbûsî, Serokê Tevgera Hîkme Emar Hekîm, Wezîrê Karên Derve yê Tirkiyeyê Mevlut Çavuşoglu jî di nav de bi sedan nûnerên welatên cur bi cur amade bûn.

Serokê PDK'ê Mesûd Barzanî di merasimê de axivî, pîrozî li Nêçîrvan Barzanî kir û got: “Ez serkeftinê ji Nêçîrvan Barzanî re dixwazim û bi hemû şiyana xwe piştgiriya wî dikim."

Nêçîrvan Barzanî kî ye?

Nêçîrvan Îdrîs Barzanî li herêma Barzan roja 21'ê rezbera 1966'an de hatiye dinê. Di sala 1975'an de ligel malbata xwe derbasî Îronê bû û di sala 1984'an de xwendina xwe ya li Beşa Zanista Siyasetê ya li Zanîngeha Tehranê temam kir. Sala 89'an de bû endamê Polîtburoya PDK'ê, di sala 1996'an de wekî Cîgerê Serokwezîrê Herêma Kurdistanê dest bi kar kir. Di 1999'an de bû Serokwezîrê Herêma Kurdistanê. Paşê di sala 2011 û 2013'an de dîsa ji bo vî peywîrî hat hilbijartin û heta niha ev peywira xwe dom dikir.

Barzanî, meha borî li Parlemena Herêma Kurdistanê bi dengên 68 mebûsan ji bo Serokatiya Herêma Kurdistana Federe hat hilbijartin. 

PDK'ê ji dêvla wî ve Masrûr Barzanî ji bo Serokwezîriya Herêmê nîşan da ku niha hikumet saz bibe Masrûr Barzanî dê bibe serokwezîr. Masrûr Mesûd Barzanî jî di sala 1969'an de hatiye dinê, ji sala 2010'an ve endamê Polîtburoya PDK'ê û Serokê Encumena Asayîşa Herêma Kurdistanê ye.

Hilbijartina parlemenê ya Herêma Kurdistana Federe roja 30'yê rezbera 2018'an li dar ket. Ji wê rojê heta niha hikumeta nehatiye sazkirin.