Diyarname

Vê hefteyê 7 jê ji derveyî Tirkiyeyê, 2 ji Tirkiye bi giştî 9 fîlm ketin vîzyonê. Ji van didu jê anîmasyon in "Funny Pets 2" (Sewalên Kedî yên Xweşik 2) û "Benjamin the Elephant" (Fîl Benjamîn). Ji fîlman ji Tirkiyeyê "Kiz Kardeşler" ê Emîn Alper, ji yên biyanî "The Current War" û "The Operate derdikevin pêş.

"Kiz Kardeşler"

Sê xwişkên biçûk piştî diya wan dimire ji bo li mal bixebitin û di heman demê de li wir bijîn dişînin navçeyê. Lê keçik li wan malan ligel xwediyên malê li hev nakin û vedigerin gund mala bavê xwe. Ew li gund piştgirî didin hev lê di heman demê de razên wan ên veşarî dertên holê.

Fîlmên derhêner Emîn Alper di serî de li Stenbolê, li gelek festîvalan xelat girt û niha li Tirkiyeyê dikeve vîzyonê.

Cemre Ebuzziya, Ece Yuksel, Helin Kandemir û Kayhan Açıkgoz serlîstikvaniya fîlm dikin.

"The Current War"

Fîlmê din ku derdikeve pêş jî "The Current War" e ku bi navê "Elektrik Savaşlari" (Şerên Elekrîkê) li tirkî wergerandine. Di fîlm de şerê Edison-Tesla yê li ser elektrîkê bûye mijar. Fîlmê ku derhêner Alfonso Gomez-Rejon kişandiye temaşevanan dibe dawiya sedsala 19'an. Di fîlm de Thomas Edison û nikola Tesla li ser elektrîkê dikevin nav têkoşînê.

Benedict Cumberbatch, Michael Shannon, Nicholas Hoult. Katherine Waterston, Tuppence Middleton serlîstikvaniya fîlm kiriye. 

Her wiha ji nav fîlmên vê hefteyê "The Operate" ku derhêneriya wî Yuval Adler kiriye jî derdikeve pêş. Fîlmê ku ji Festîvala Fîlman a Cannesê bi Xelata Lîstikvana Herî Serketî (Diane Kruger) vegeriyabû, di 69'emîn Festîvala Fîlman a Berlînê de jî hatibû nîşandayîn.

Vane fîlmên vê hefteyê:

- 3 Lives / Derhêner Juliane Block

- The Current War / Derhêner Martin Scorsese

- Synonymes / Derhêner Nadav Lapid

- The Operate / Derhêner Yuval Adler

- Burn / Derhêner Mike Gan

- Benjamin the Elephant / Derhêner Tim Trachte / Anîmasyon

- Funny Pets 2 / Derhêner Aleks Sebastian / Anîmasyon

- Kiz Kardeşler / Derhêner Emîn Alper

- Cin Azabi / Derhêner Onur Aldogun