Hewlêr

Derbarê êrîşa Tirkiyê û grupên çekdar ên Surî yên girêdayî wê bo ser Rojavayê Kurdistanê û her wiha planên wan ên guhertina demografiya heremê de, 31 partî û hêzên siyasî yên Rojavayê Kurdistanê û bakurê rojhilatê Sûriyê nameyek ji Sekreterê Giştî yê Neteweyên Yekgirtî Antonio Guterres re şandin û daxwaz jê kirin, piştgiriyê nedin kiryarên ku artêşa Tirkiyê û grûpên çekdar li Rojavayê Kurdistanê û bakurê rojhilatê Sûriyê ji bo guhertina demografiya herêmê pêk tînin.

Di nameya 31 partî û hêzên siyasî de ku ji Sekreterê Giştî yê Neteweyên Yekgirtî Antonio Guterres re şandine, tê gotin; "Artêşa Tirkiyê bi êrîşa xwe ya di 9'ê Cotmeha 2019'an de bo ser Rojavayê Kurdistanê û bakurê rojhilatê Sûriyê yasayên navnetewî binpê kirine û tawanên şer li dijî akinciyên heremê yên Kurd, Ereb, Suryanî, Asûrî, Misilman, Kirîstiyan û Êzidiyan kirine."

Partiyên ku ew name amade kirine, her wiha tekez kirine, ku armanca artêşa Tirkiyê ji êrîşê ew e ku heremê dagir bike, xelkê heremê koçber bike û demografiya heremê biguhere.

Her wiha ew partiyên siyasî di nameya xwe de dibêjin, "armanca rasteqîn a desthilata Tirkiyê ji navçeya aram ew e, ku navçeyeke aram bo grupên çekdar ava bike ku terorê zindî dikin."

Partî û hêzên siyasî bang li Sekreterê Giştî yê Neteweyên Yekgirtî Antonio Guterres dikin ku li beramber êrîşên artêşa Tirkiyê û grûpên çekdar ên girêdayî wê rawestin û piştgiriyê nedin hewldanên Tirkiyê yên guhertina demografiya heremê.

Partî û hêzên ku ev name îmze kirine û ji Guterres re şandine, ev in:

-Heyet El-Tensîq El-Wetenî- Tevgera Guhertina Demokratîk

-Partiya Yekitiya Demokratîk (PYD)

-Partiya Yekitiya Suryanî

-Partiya Aştî ya Demokratîk a Kurdistanê

-Yekitiya Lîbralî ya Kurdistanê

-Partiya Komunîst a Kurdistanê

-El-Partî Demokratî Kurdistanî – Sûriyê

-Partiya Demokratîka Kurd li Sûriyê

-Partiya Çep a Kurd li Sûriyê

-Partiya Çepa Demokratîka Kurd li Sûriyê

-Partiya Kombûna Neteweyî ya Kurdistanê

-Partiya Guhertina Demokratîk a Kurdistanê

-Partiya Nûjen a Kurdistanê

-Yekitiya Karkerên Kurdistanê

-Desteya Neteweyî ya Erebî

-Partiya Modernîte û Demokratîk a Sûriyê

-Partiya Kesk a Kurdistanê

-Partiya El-Wîfaq a Demokratîk a Kurd li Sûriyê

-Partiya Yekîtiya Demokratîk a Kurd li Sûriyê (Yekitî)

-Partiya Sererastkirinê - Sûriyê

-Partiya Demokratîk a Kurd li Sûriyê (El-Partî)

-Partiya Aşûrî ya Demokratîk

-Partiya Biratî ya Kurdistanê

-Partiya Roj a Demokratîk a Kurd

-Yekitiya Niştîmanî ya Azad – Rojava

-Şepêla Pêşerojê ya Kurdistanê

-Tevgera Civaka Demorkatîk ( TEV-DEM)

-Kongre Star

-Partiya Muhafizên Demokratîk

-Partiya Têkoşîna Demokratîk

-Partiya Komarî ya Kurdistanê

Ji Rûdawê hatiye girtin