Diyarname

Tûrnûvaya fûtbolî ya Euro 2020 emsar gere miyanê 12'yê aşmey pûşper û 12'yê aşmey tîrmehî de bihameyne viraştişî la semedê vîrusê korona hamî taloqkerdişî.

Vîrusê korana seranserê Ewropayê giroto binê bandorê xo. Ewropa de çalakî hamey vindertişî, kayê fûtbolî zî. Euro 2020 emsar gere viraziyayne. Semedê vîrusî eyro kombiyayiş viraziya ke tûrnûva sekerê. Û biryar hame girotiş ke heta serêna taloq bikerê.

Dimay kombiyayişî hetê Federasyonê Fûtbolî yê Norwecî re daxuyanî hamî vilakerdin. Gorey daxuyanî ra tûrnûva qeybî serêna hamiya taloqkerdin. Tûrnûvaya 2020'inan go heman aşman di serey 2021'yinan de bêro kaykerdişî.

Ene xeberê hamiya vilakerdişî la hetê UEFA (Jobûney Federasyonê Fûtbolî ya Ewropa) ra heta enka daxuyanîke fermî niyamiya vilakerdişî.

Ewropa de heta enka zehf ten vîrusra merdê. Maçê lîganê Ewropa, Lîgê Şampiyonan û Lîgê Ewropa jî hamey bî taloqkerdişî.