Diyarname

"Lêl" namey kitabê Alî Aydin Çîçekî yo. Kitab Weşanxaneyê Vate ra veciyawo û hîkayanê weşa bi zimanêke sade pêşkêş keno.

Alî Aydin Çîçek di serey 2003 ra nat balê xo dawo serê kirmanckî û vernî de şiyo Enstîtuya Kurdî ya Stenbolê qeybî mûsayişê derse, dima ke derse mûsa ê bi xo dersê kirmanckî dayê. Hetêke ro zî hîkayey nisnay. Enî hîkayey cê di kitabê "Lêl" de hamey neşrkerdin. Kitabo ke 80 rîpelo hetê Vate ra hamey neşrkerdin. Di kitab de "Lêl", "Rêşketi", "Çerçî", "Domanê Warwayî", "Jan", "Çila", "Barkerdiş", "Derman", "Milaketa Tavûse", "Qartîboz û Dimkundêzî" û "Kutiko Sûr" 11 hîkayey modernî est ê. 

Alî Aydin Çîçekî bi ziwanêke sade û rewan hîkayey xo nistê. Parçeyke "Lêl" ra: "Mîyanê koyanê sipîyan de dewêde qijkeke. Zereyê dewe de yew bano welino di-çime. Şew a. Zereyê banî de ustina banî ra yew lenbo (lamba) dardekerdî yo; lenbo ra boya qazî vejîyena û zereyê banî ra bena vila. Lenbo hendê ke zar-zor lêl keno"...

- Lêl / Alî Aydin Çîçek / Weşanxaney Vate / 80 rîpel / 2014