Diyarname

Wenêyekî Banksy li Nexweşxaneya Southampton a Îngilistanê derket holê. Wêneyê ku piraniya wî reş û spî ye li beşa lezgîn a nexweşxaneyê hatiye daliqandin.

Di wêneyê de zarok ji dêvla ku bi pêlîstokên lehengan ên di di zembîla xwe de bi pêlîstoka hemşîreyê dilîze. Destê hemşîre wekî yê Supermenê ku dema difire hatiye çêkirin û bi vî awayî difire. Hemşîre maske daye ber devê xwe,  bone daye serê xwe û li ber stûka wê jî xaç hene ku di wêneyê de tenê ev parçe rengîn e.

Li gor nûçeya Will Fompertz ê di BBC de Banksy ligel wêne nameyeke ji bo xebatkarên nexweşxaneyê şandiye: "Ji bo tiştên hûn dikin ez sipasiya we dikin. Ligel ku ev wêne reş û sipî ye jî ez hêvî dikim dê rewşê hinek ronî bike."

Nûçe radigihîne ku wêne heta payîzê dê li wir daliqandî be û paşê dê bê firotin, pereyên jê bên jî dê diyarî Pergala Tenduristî ya Neteweyî bikin.

CEO'ya Pergala Tenduristî yê Neteweyî yê Nexweşxaneya Zanîngeha Southampton Paula Head wisa gotiye: "Li nexweşxaneya me gelek heval û xebatkarên me yên ku me ji wan hez dikir mirin, û ev windayiyên trajîk bandor li me kirin. Bansky bi xebata xwe sipasiya vê xebata awarte kiriye û ji ber ku nexweşxaneya me hilbijartiye jî ji bo me serbilindî ye."

Head diyar kiriye ku ligel xebatkarên wan ev wêne morale dide nexweşên wan jî.