Diyarname

Pirtûka 'Bêjanasiya Zimanê Kurdî ya Dîrokî' ji Weşanên Na derket. Pirtûka ku ji aliyê Beyhanî Şahîn ve hatiye nivîsandin ji 202 rûpelan pêk tê û li ser bêjenasiya kurdî kûr dibe.

Ev  pirtûka lêkolînê ya li ser "bêjenasiyî" ango "etîmolojîk" ya îndocermenîst û îndoîranolog Beyhanî Şahîn, li gorî metodên zimannasiyî yên akademîk hatiye amadekirin û pirtûk peyv bi peyv, deng bi deng dîroka zimanê kurdî zelal dike.

Şahîn ji ji kurdiya îro dest bi lêkolîn û şiroveyê kiriye û  gav bi gav heta zimanê îndo-ewropî yê bingehîn diçe.

Bi her awayî serdemên zimanê kurdî wekî îro, kurdiya navîn, zimanên îraniya navîn (partî, pehlevî, sogdî, khotansakî, xwarezmî), kurdiya kevin, zimanên îraniya kevin (mediya kevin, avestiya ciwan û kevin, farsiya kevin), proto-kurdî, proto-îranî, sanskrîtî, vedî, proto-hîndî, proto-arî û proto-îndo-ewropî yek bi yek li ser disekine. Dîsa ji bilî vê zimanên din yên îndo-ewopî wekî yewnaniya kevin, latînî, zimanên cermenî, zimanên slavî, zimanên keltî, zimanên enetoliya kevin û toxarî jî digire dest û dide ber hev.

Lêkolîner Beyhanî Şahîn di vê xebata xwe ya akademîk de çîroka fonolojî û semantîka zimanê kurdî esas hatiye girtiye, deng û peyvên zmanên kurdî heta destpêka çêbûna xwa ya berî pênc hezar salan yek bi yek, heta atomên xwe yên herî piçûk nirxandiye.

Bi xêra lêkolînê gelek aliyên zimanên kurdî zelal bûne. Ev wekî cîlda yekem hatiye amadekirin û berdewama wê jî dê bê.

- Bêjenasiya Zimanê Kurdî ya Dîrokî / Beyhanî Şahîn / Weşanên Na / 202 rûpel / Ziman-Lêkolîn / 2020