Şam
Serokdewletê Sûriyê Beşar El Esad hemwelatîbûna kurdan qebûl kir. Ev nîv sedsalekê ne ku kurdên li sûrî di "kategoriya biyaniyan" de bûn.

Li gor nûçeya ajansa Sana, Beşar El Esad li bajarê Hasekî biryarnameya ku mafê hemwelatiyê dide  kesên di kategoriya "biyanî" de ne qebûl kir. Sanayê wisa nivîsî: "Esad îro yên li Hasekê di sitatuya biyaniyan de ne bi biryara zagona 49'an mafê hemwelatiyê Sûriyeya Ereb da wan."

Tê gotin ku ev li dor 300 hezar kesî digire nava xwe. Lê bi hezaran kesên ku ne di nav qeydan de ne û mektûm in dê çi bibin nayê zanîn.

Li gor daxuyaniya ku hatiye kirin piştî biryar di Rojnameya Fermî de bê weşandin dê bikeve jiyanê û ji xistina nav jiyanê jî Wezareta Karên Hundir jê berpirs e.

Esad ku ji sala 2000'î ve li desthilatdariyê ye sêşema borî li Hasekê bi nûnerên eşîrên kurdan re hatibû ba hev. Berê vê jî ji bo li ser rewşa 300 hezar kurdên bê nasname ne lêkolîn bê kirin komîsyon hatibû avakirin.

Di serjimariya sala 1962'yan de kurd bê nasname hatibûn hiştin û tê texmînkirin ku hejmara wan li dor 300 hezarî ye. Piştî vê ku zarokên wan jî çêbûne û ew jî bê nasname mane, ev yek jî dike ku ev hejmar zêdekir bibe. Li Sûriyê kurd di du kategoriyan de ne. Yên ku mafê hemwelatiyê ji destê wan hatiye girtin nasnameyeke tûrincî dane wan û yên ku di statuya "biyanî" de ne ku bi temamî bê nasname ne. Kurdên ku di salan 1962'yan de bê nasname hatine hiştin di heman demê de dest danîbûn ser mal û milkê wan jî.

ANF