Diyarname
39’emîn Festîvala Muzîkê ya Stenbolê ku ji aliyê Weqfa Çand û Hunerê ya Stenbolê (ÎKSV) ve tê organîzekirin êvara 4’ê mehê li Muzeya Aya Îrînî bi merasimekê dest pê kir.

Merasima destpêkirina festîvalê ku Tilbe Saran pêşkêşvaniya wê kir, Serokê ÎKSV’ê Bulent Eczacibaşi axaftineke kir. Eczacibaşi got ku îsal festîvala me bi gelek nûbûnan pêşwazî li hunerhezan dike û wisa dom kir: “Bernameya ku yekemîn car li dor temayeke hatiye vesazkirin, bi mijara ‘Rêwîtiya ber bi dûrahiyê ve’ di encama xebateke dûr  û dirêj de hate sazkirin. Em hêvî dikin dê konserên me di cîhana muzîka klasîk de we derxe rêwîtiyeke rengîn û têrtije. Ji îsal û şûnde ji bo dewlemendkirina repertûara muzîka klasîk a hemdem emê sîparîşê bidin bestekarên cur bi cur. Di 39’emîn festîvala me de emê promiyera dinyayê yê berhemên hostayê mezin Îlhan Usmanbaş û hem jî yê xwendekarên wî ku Festîvala Muzîkê yê Stenbolê sîparîş kiribû, li dar bixin. Li ser rêya repertûara muzîka klasîk de ji bo ku kedek me çêbûye em dilgeş in û hemû muzîkhezan vedixwînin ev konserên ku yekemîn car dê li dar bikevin.”

Di şevê de piştî plaketên sipasiyê “Xelata Rûmetê” jî hate dayîn. Muammer Sun ku
bestekar, gelek pirtûkên perwerdehiyê weşandiye, vesazkirinên li ser folklorê çêkiriye, lêkolînerê muzîkê ye û di heman demê de perwerdekar e Xelata Rûmetê girt. Sun ji salên 60’î ve li Tirkiyeyê li ser muzîkê dixebite, bi ser 160’î re koroyên zarok û ciwanan çêkiriye. Xelata Sun ji aliyê Eczacibaşi ve hate pêşkêş kirin.

Festîval Xelata Serketina di Hemû Jiyanê de jî îsal dide Gidon Kremer ku ew avakarên Festîvala Lockenhaus û Kremerata Beltica ye, heta niha li dor album ku gelek jê xelat girtin û çar pirtûkên ku li ser hunerê fikrên xwe anîne ziman derxistiye. Gidon Kremer di 10’ê pûşperê de li Muzeya Aya Îrînî berî konsera ku tevî orkestraya xwe Kremerata Baltica dê bigire.

Di konsera destpêkê ya festîvalê de Flarmoniya Stenbolê ya Borûsanê di bin rêveberiya Sascha Goetzel de “Rapsodiya Îzmîrê” ya xelatgir Muammer Sunê pêşkêş kir. Paşê konser bi ‘Konçertoya Piyanoyê ya La Minor’ ya Edvard Grieg ku Lara Melda strand dom kir. Di konserê de herî dawî “Suîta Îskît, Op. 20” a Sergei Prokofiev hat pêşkêş kirin.

Şeva destpêkê ya festîvalê ji aliyê A Haberê ve zindî hate pêşkirin û di heman demê de li Kûledîbiya Beyogluyê û Caddebostana Kadikoyê li ber ekranên qerase hate temaşekirin.

Festîval heta 29’ê pûşperê li dar e û bi giştî 24 konser dê li cihên wekî Muzeya Aya Îrînî, Muzeya Arkeolojî, Çînîlî Koşk, Operaya Sureyyayê¸ Salona Kongre ya Lutfi Kirdar, Mevlehaneya Galata, Avahiya Rektoriyê ya Zanîngeha Stenbolê û Îstanbul Modernê bêne pêşkêş kirin.

Ji bo kesên eleqedar: http://muzik.iksv.org/tr

**

Nûçeya eleqedar:

- 600 hunermend dibin mêvanên Festîvala Muzîkê