Diyarname
Berdevka CHP'ê Bihlun Tamayligil ji bo biryara YSK'ê ya li ser Dicle got, "Mebûsekî piştî ku mazbata girtibe, em betalkirina mebûsiya wî ji aliyê hiqûqî û siyasî ve rast nabînin. Biryar ne hiqûqî ye, tişteke mecbûriye ku ji nû ve vesazkirine çêbibe."

Tamayligîl wisa got: "Ma YSK'ê negot 'Ji bo hilbijartina wan tu astengî nîn e' û lîste neweşand? Ew jî neçûn cem gel û nehatin hilbijartin? Êdî ji bo bibin mebûs dema sondxwarinê hatiye. Çawa dibe dadgeh dikare bibêje 'Ez sondxwarina wan qebûl nakim'."

YSK'ê bi betalkirina mebûsiya Dicle re dê mebûsek AKP'ê zêde bibe. Tamayligîl bal kişand ser vê yekê, rexne li AKP'ê girt û got: "Ji bo mebûsek ku bi dest bixe divê Tirkiye nexe nav tengasiyê."

Cîgirê Serokê Giştî yê CHP'ê Suheyl Batum jî bal kişand sala 2002'yan ku yê Serokwezîr Erdogan jî hikmeke teqez li ser hebû, nekarî bibe mebûs û got: "Wê çaxê çi kir? Zagona Bingehîn hat guhartin, zagon guherî. Hat gotin ku kesê ku gel hilbijartibe zagon nikarin pêşî lê bigirin. Ji bo Hatip Dicle jî heman tiştî dikare bê kirin."

Mebûsê Stenbolê yê CHP'ê Suleyman Çelebî jî got ku ji bo guhartina rewşê çi bibe, teklîfa zagonê, guherîna zagona bingehîn, gere em xebatên qisa bikin.