Diyarname

Kompaniya lêkolînê Ipsos her sal "Îndeksa Markeyên Neteweyî" (Nation Brands Index - NBI) eşkere dike. Di lêkolîna îsal de vîrusa koronayê derketiye pêş. Kompaniyê welatên ku herî baş ev pêvajo bi rê ve birine rêz kirine. Di rêza yekemîn ed Almanya cih girtiye, dûre Kanada tê û piştî wê jî Swîsre.

Ji bo vê yekê li dinyayê bi 60 hezarî zêdetirî kesî re hevdîtin hatiye kirin.  Di nav 60 welatên li rewşa wan hatiye mêzekirin de Hindistan, Nîjerya û Kenya di rêzên dawî de cih girtine.

Di lêkolînê de li ser qeyranên tenduristî, jiyana mirovan û rewşa hawirê sekinîne.

Di nav 10 welatên ku herî baş rewşa pandemiyê bi rê ve birine de bi rêzê ev hene:  Almanya, Kanada, Swîsre, Zelandaya nû, Avustralya, Norcec, Swêd, Fînlandiya, Îzlanda û Hollanda.

Di nav 10 welatên rewş xirab bi rê ve birine de jî van welatan cih girtiye: Hindistan, Nîjerya, Kenya, Brezîlya, Filistîn, Kolombiya, Botswana, Tanzanya, Afrîkaya Başûr û Ekvador.