Diyarname

Pêşbaziya Stranan a Eurovisionê sala pêşiya me di navbera 10-14'yê gulanê de li dar bikeve û niha agahiyên Eurovisionê zelal dibin.

Li gor agahiyên ku Martin Osterdahl ê ji organîzasyonê belav kirin di sala 2022'yan de Eurovision dê li Îtalyayê li dar bikeve. Îsal koma îtalî Maneskin bi ser ketibû, loma sala bê Eurovision li Îtalyayê dê li dar bikeve.

Di sala 2022 dê 66'emîn car Eurovision lidar bikeve. Sala bê 41 welat dê beşdarî pêşbaziyê bibin.

Li gor bernameyê pêşbaziya nîv fînalê ya Eurovisionê dê rojên 10-12'yê gulanê li dar bikevin û 14'ê gulana 2021'ê jî dê fînala wê saz bibe. Merasima fînalê li Stada Pala Olimpio ya li Torînoyê dê lidar bikeve.

Li bendê ne ku dê dor 200 mîlyon kesî li fînala Eurovisionê temaşe bikin.

Tirkiyeyê di sala 2013'yan de biryar dabû ku êdî beşdarî Eurovisionê nebe û îsal jî Tirkiyeyê ev biryara xwe parast.