Diyarname

Festîvala Fîlman ay Stenbolî namey tenê ke go Xelatanê Rûmete ê Sînema bido înan eşkera kerd. Merasimê destpakerdişê festîvale de go xelatê bêrê dayişî.

Festîvala Fîlman ay Stenbolî emsar 41’în rey go miyanê rocanê 8-19’ê nîsanî de viraziyo. Festîvale enka zî tenê go Xelatanê Rûmete ê Sînema bido înan eşkera kerdî. Gorey daxuyaniya ke festîvale kerd vira go xelate bido Meral Çetinkaya û Gulsen Tuncer.

Meral Çetînkaya serey 1945 de Bursa de hamiya dinya. A kaykerdoxa sînema û şano wa. Ay bi seran Dostlar Tiyatrosu, Şanoy Şaredarî Bakirkoy, Kenter Tiyatrosu, Biriken Tiyatrosu de kay kerd. “Keşanli Ali Destani”, “Sivas 93”, “Îvan Îvanovîç Bîbî Yan Çinêbî”, “Sokrates” henî kayê bi name û vengê ke ay tede kay kerdê. Reyna hetê sînema de zî fîlmê zey “Uçurtmayı Vurmasınlar”, “Bir Yudum Sevgi”, “Firar”, “Vizontele”, “Mucize” henî fîlmê ke ay tede rol girot bî.

Çetînkaya ke di rêzefîlman de zî zehf rol girot bî, di Festîvaley Antalya de hetê Rolo Diyin ê Serkewte de Xelata Porteqala Zêrîne girot bî.

Gulsen Tuncer zî serey 1945 de Edene de hamiya dinya. A kaykedoxa şano û sînema wa. Xeynî a joy vatinê dêran zî nisnena. Serey 1968 de Şanoy Gulriz Sururi-Engin Cezzar de dest bi karê şano kerda.Ankara Çagdaş Sahne, Navendey Çandey Sadri Alişik de xebetiya wa. Ay zehf kayanê şanoy de kay kerdo û bi niyan xelatî zî girotê. Çetinkaya serê dîrokey şano, kaykerdoxî û dramaturî de heta enka zehf cayan dersî dayê.

Gulsen Tuncer Afife Jale (1987), Çağdaş Bir Kole (1986), Uzun Bir Gece (1986), Fatmagul'un Suçu Ne (1986), Asılacak Kadin (1986), Daginik Yatak (1984), At (1981) zî tede zehf fîlman de rol girot.

 ***

 
Nûçeyên Eleqedar:

- Serokê Juriyê Festîvala Stenbolê eşkera bî

- Festîvala Stenbolê li benda fîlman e