Diyarname

Pirtûka 'Perwerde û Hînkirina Kurdî: Tecrûbe-Model-Pêşniyaz' ji Weşanên Weqfa Îsmaîl Beşîkçî (ÎBV) derket. Di gotarên pirtûkê de ji bo kurdî li ser modelên cur bi cur hatiye sekinîn.

Weqfa Îsmaîl Beşîkçî bi navê "Akadimeya Payîzê ya 2020'an" rêzeders dan dest pê kirin. Di vê xebatê de Nurettin Beltekîn, Ronayî Onen, M. Şerif Derince, Dr. Hewa Salam Khalid, Şehmus Kurt, Selda Araz û Ronya Bewran ders dan. Ew ders wekî pirtûkek hatin amadekirin û pirtûk hat belavkirin.

Di pirtûkê de  mijarên wekî "Ji Alîyê Felsefeya Perwerdeyê ve Perwerdeya Kurdî" (Nurettin Beltekin), "Perwerdeya Zimanî Di Aktîvîzma Zimanî Da; Tecrûbeya TZPKURDÎ" (Ronayî Onen), "Modelên Perwerdehiya Pirzimanî û Rewşa li Tirkiyeyê ji bo Kurdî" (M. Şerif Derince), "Kurdînivîsîn û Perwedehî bi zimanê Kurdî li Başûrê Kurdistanê" (Dr. Hewa Salam Khalid), "Tecrûbeya Enstîtûyên Zimanên Zindî Li Tirkiyeyê: Mînaka Esntîtûya Zanîngeha Mardîn Artûklûyê" (Şehmus Kurt), "Perwerdeya Kurdî Wekî Derseke Hilbijartî: Bi Dîtina Malbat, Xwendekar û Mamosteyan" (Selda Araz) û "Analîza Pirtûkên Dersan ên Kirmanckî (Zazakî)" (Ronya Bewran) cih digirin.

Weqfê Îsmaîl Beşîkçî di bin edîrotiya Dr. Sehmus Kurt de ew xebat wekî pirtûk amade kiriye û pêşkêş kiriye. Yên bixwazin bê pere dikarin ji cem ÎBV'ê pirtûkê bi dest bixin.

- Perwerde û Hînkirina Kurdî: Tecrûbe-Model-Pêşniyaz / ÎBV / 143 rûpel / 2021