Amed

Bi pêşengiya MED-DER'ê li Amedê hefteyeke gelek çalakî hene. Saziyên din jî piştî didin. Çalakil¥en ji bo 21'ê Reşemî Roja Zimanê Zikmakî ya Cihanê wê 17'ê mehê dest pê bikin û 23'yê mehê bi dawî bibin.

Komeleya Lêkolînên Ziman û Çandên Mezopotamyayê (MED-DER) ji 15'ê Reşemiyê heta 21'ê Reşemiyê/Sibatê wekî "Hefteya Zimanê Kurdî" îlan kiribû, niha jî çalakiyên ku van rojan dê li dar bixin eşkere kir. Ji bo vê yekê bernameyeke hevpar hat sazkirin. Bername wê bi pêşengiya MED-DER'ê ji aliyê Komeleya Wêjekarên Kurd, Enstituya Kurdî ya Amedê û Tora Ziman ve bê lidarxistin. 

Bername bi tevahî wiha ye: 

* 17'ê mehê: Saet 15:30 de li ber deriyê "Hala Nû" bên cem hev û li bazara Pêncşemê ya jinên kedkar etîketên sebze û fêkiyan, berdilkên bazarê yên bi kurdî li nava bazarê belav bikin.

* 18'ê mehê: Saet di 15:30 de ew ê li ber "Petrola Polat" (Polat Petrol) bên cem hev û bi heman naverokê li nava bazara înê xebata xwe bimeşînin.

* 19'ê mehê: Bi pêşengî û hevkariya Med-Der û Komeleya Wêjekarên Kurd, li Eywana Dawetê ya "Demirok" ya li Kolana Îstasyonê,  bi beşdariya tevahiya saziyên sivîl, pêkhateyên bajêr û gelê Amedê şahî dê were lidarxistin.

* 20'ê mehê: Saet 13:00'an de li "Qada Şêx Seîd" (Deriyê Çiyê) di pêşengiya Platforma Ked û Demokrasiyê ya Amedê û Tora Ziman de, dê bi beşdariya hemû pêkhateyên bajêr daxuyaniya 21'ê Sibatê/Reşemiyê were dayîn. 

* 20'ê mehê: Saet 15:00'an de li Egîtîm-Senê wê Panela Ziman were lidarxistin.

* 21'ê mehê: Bernameya hevpar a Tora Ziman û Platforma Ziman  bi beşdariya hemû pêkhateyên bajêr li "Demir Otel" dê were lidarxistin.

* 21'ê mehê: Saet 17:30'an de bi pêşengiya Baroya Amedê, li Eywana Konferansê ya Tahîr Elçî panela ziman dê were lidarxistin.

* 22'yê mehê: Li Komeleya Wêjekarên Kurd şahiya ziman.

* 23'ê mehê: Saet 18:30'an de, bi pêşengiya Egîtîm Sen'ê li Şanoya Bajarê Amedê dê bernameya stand up, çîrok û muzîkê were pêşkêşkirin.

Ajansa Mezopotamyayê - Diyarname

***

Nûçeya Eleqedar:
- Çend baro Roja Ziman pîroz dikin

-  

**