Diyarname

Reqîbên play-offê û dîroka maçan diyar bûn. Amed Spor ku di play-offê de ye dê bikaribe çawa bi ser bikeve? Reqîb kîjan tîm e, werin em bi hev re lê binêrin.

Amed Spor di Lîga 2’yemîn, Koma Spî de bû. Di vê komê de Pendik bi 77 pûanan bû şampiyon û raste rast çû Lîga 1’emîn. Ji bo 4 tîmên di rêzê de jî rêya play-offê xuya bû. Ji van Amed Spor bi 57 pûanan di rêza duyemîn de lîg temam kir. Tîmên din bi rêzê, Karacabey Belediye 56, İsparta 32 Spor 55, Tarsus Îdmanyurdu jî bi 55 pûanan di rêza 5’an de cih girtin. Li gor statuyê duyemîn û pêncemîn dibin reqîb loma Amed Spor û Tarsus Îdmanyurdû bûn reqîbên hev. Û Karacabey Belediye û Isparta bûn reqîbên hev.

Du maç têne lîstin, maçên yekemîn 12, maçên duyemîn 16”ê mehê têne lîstin. Di maça yekemîn de Amed Spor diçe Tarsûshe.

Ji bo Koma Sor a Lîga 2’yemîn jî heman tişt derbas dibe, ew jî van rojan du maçan dilîzin. Di Koma Sor de jî rewş wisa bû: Sakarya raste rast çû lîga jor. Duyemin 1461 Trabzon û Bayburt Ozel Îdare, Bodrum û Sivas Belediye bûn reqîbên hev.

Ev maç wekî maçên çarîk fînalê têne hesibandin. Di her du koman de, ji van 8 tîman 4 tîmên bi ser bikevin dê derkevin nîv fînalê, ji nîv fînalê jî du tîm dê derkevin fînalê û di fînalê de şampiyon dê here Lîga 1’emîn. Ew ên din sala bê dîsa dê Lîga 2'yemîn de bilîzin.

Amed Spor 12’yê mehê diçe Tarsusê û 16’ê mehê li mala xwe Tarsusê dike mêvan. Ger bi ser bikeve dê here nîv fînalê. Têk here dê vegere mala xwe û sala bê dîsa di Lîga 2’yemîn de bilîze.