Diyarname

NOTA SERÊ SIBÊ:
Di lîga meçin a Îtalyayê de îro şampiyon diyar dibe. Milan û Înter ku her du jî tîmên heman herêmê ne li ber deriyê şampiyoniyê ne.

Di Serie A’yê de 40 tîm hene û îro maçên hefteya dawî têne lîstin. Di dawiya hefteya 37’an de Milan bi 83 pûanan di rêza yekemîn, Inter bi 81 pûanî di rêza duyemîn de ye. Avarajê Internê baştir e loma jî ji bo bibe şampiyon Milan mecbûr e bi ser bikeve. Ger Milan wekhev bimîne, yan têk here rewşa Interê dê şampiyonî diyar bike.

Milan diçe Sassuolo, Inter li mala xwe Sampdoria dike mêvan.

Ji Seire A’yê 4 tîm diçin Lîga Şampiyonan. Piştî Milan û Înterê Napoli bi 79 pûnanan, Juventusê bi 70 pûanî bilêtên Lîga Şampiyonan a UEFA’yê girtine. Dûre du tîm diçin Lîga Ewropay ya UEFA’yê ku di vir de jî Lazio bi 64, Roma bi 63 pûanan ketine ser rê. Û tîma 5’emîn Fiorentina bi 62 pûanan bilêtê Lîga Konferansê bi dest xistiye.

Li herî jêr Venezie û Genoa hene ku ew ji lîgê ketine. Du tîmên din hene ku îro ji wan yek dê bikeve. Cagliari bi 29 pûanan e û Salernitana bi 31 pûanan e. Ji ber ku avaraja Salernitana baş e îro tenê pêdiviya wê bi pûanek heye. Salernitana li mala xwe Udineseyê dike mêvan. Caglari jî diçe Venezia.

Her du maçên berendamên şampiyoniyê îro li gor saeta Amedê saet 19’an de têne lîstin, maçên her du tîmên berendamên ketine îro saet 22’yan de têne lîstin.
NOTA ÊVARÊ:

ŞAMPIYON MILAN

Di Lîga Serie A’yê de Milan ku bi 83 pûanan di rêza yekemîn de bû, got ez îsal şampiyon ez im û hêviya Interê di gewriya wê de hişt. Bi vî awayî Mîlan piştî 11 salan bû şampiyon.

Milanê li deplasmanê li Sassuoloyê bi golên Olivier Giroud (deqe 17 û 32) û Frank Kessie (deqe 36) bi 3-0 bi ser ket û şampiyoniya xwe ragihand. Şampiyonê par Inter li mala xwe li hemberî Sampdoria bi 3-0 bi ser ket lê vê yekê tiştek neguhart. Inter bi  84 pûanan di rêza duyemîn de ma. Ligel Milan, Interê, di rêza sêyemîn de Napoli,  di rêza 4’emîn de Juventusê bilêta Lîga Şampiyonan bi dest xist. Dûre Laizo û Roma dê herin Lîga Ewropayê û di rêza 7’an de Fiorentina jî bilêtê Lîga Konferansê girt.