Diyarname

75’emîn Festîvala Fîlman a Cannesê bi merasima xelatdayînê bi dawî bû. Fîlmê Rubin Ostlund ê bi navê “Triangle of Sadness” bi ser ket û xelata mezin Palmiyeya Zêrîn girt. Derhêner Chan Wook Park jî bi fîlmê xwe “Decision to Leave” xelata Derhênerê Herî Serketî bi dest xist.

Di bin serokatiya lîstikvanê fransiz Vincent Lindon de juriyê serketiyên festîvalê diyar kirin. Êvara 28’ê mehê li Şanogeha Grand Lumiere ya li Cannesê bi merasimek xelat hatin belavkirin.

Di festîvalê de “Xelata Grand Prix” ku wekî xelata duyemînî tê dîtin dan du fîlman “Close” (derhêner Lukas Dhont) û “Stars at Noon” (derhêner Claire Denis)

Va ne xelatên hatin belavkirin:

- Xelata Palmiyeya Zêrîn: Triangle of Sadness (Derhêner Ruben Ostlund)

- Derhênerê Herî Serketî: Park Chan-Wook (Decision to Leave)

- Xelata Grand Prix (Xelata Mezin a Juriyê):  “Close” (derhêner Lukas Dhont), “Stars at Noon” (derhêner Claire Denis)

- Lîstikvana Herî Serketî: Zar Amir-Ebrahimi (Bi rola di fîlmê Holy Spider de)

- Lîstikvanê Herî Serketî: Song Kang-ho (Bi rola di Broker de)

- Xelata Taybet a Juriyê: “The Eight Mountains* (derhêner Felix van Groeningen & Charlotte Vandermeersch), “EO” (derhêner Jerzy Skolimowski)

- Senaryoya Herî Serketî: Tarik Saleh (Boy From Heaven)

- Xelata Taybet a ji bo 75 Saliya Festîvalê: Tori and Lokita (derhêner Jean-Pierre Dardenne, Luc Dardenne)

- Xelata Kurtefîlmê Herî Serketî: “The Water Murmurs” (derhêner Jianying Chen)

- Xelata Mansiyonê ya Kameraya Zêrîn: “Plan 75” (Derhêner Chie Hayakawa)

- Xelata Kameraya Zêrîn: *War Pony” (derhêner Gina Gammell)

Lîstikvan Zar Amir-Ebrahimi bi rola di fîlmê "Holy Spider" de xelata Lîstikvana Herî Serketî girt.

Lîstikvan Song Kang-ho bi rola di fîlmê "Broker" de xelata Lîstikvanê Herî Serketî girt. 

Nûçeyên Eleqedar:

- Cannes de wext wextê fîlman o 

- Cannesê ji Truman Showê afîş çêkir

- Fîlmên ji bo Palmiyeya Zêrîn dikevin pêşbaziyê diyar bûn