Diyarname

79’emîn Festîvala Fîlman a Venedîkê bi merasima xelatdayînê bi dawî bû. Xelata mezin a festîvala Şêrê Zêrîn dan fîlmê derhêner Laura Poitras he bi navê ‘All The Beauty And The Bloodshed’.

Merasima xelatdayînê li Palazzo del Cinema li dar ket. Juriya di bin serokatiya lîstikvan Julianne Moore de xelata fîlmê serketî diyar kir. Ligel Moore, Mariano Cohn, Leonardo di Costanzo, Audrey Diwan, Leila Hatami, Kazuo Ishiguro û Rodrigo Sorogoyen bi hev re biryar dan ku xelatê bibin belgefîlmekî. Derhêner Laura Poitras bi belgefîlmê xwe ev xelata mezin girt. Heta niha di dîroka festîvalê de bû duyemîn car vê xelatê didin belgefîlm. Di sala 2013’yan de jî derhêner Gianfranco Rosi bi belgefîlmê xwe “Sacro Gra” ev xelat girtibû

Li aliyê din di festîvalê de Xelata Lîstikvanê Herî Serketî Colin Farell bi rola di fîlmê “The Banshees Of Inisherin” de girt. Lîstikvan Cate Blanchett jî bi rola di fîlmê “Tar” de Xelata Lîstikvana Herî Serketî girt.

Derhênerê îtalî Luca Guadagnino Xelata Derhênerê Herî Serketî girt. Xelata Mezin a Juriyê jî dan fîlmê “No Bears” ê derhêner Cafer Penahî. Martin McDonagh jî bi senaryoya fîlmê “The Banshees of Inisherin” Xelata Senaryoya Serketî girt.

 Lîstikvana kanadaî ya ciwan Taylor Russel jî bi rola di fîlmê “Bones And All” de Xelata Lîstikvanê Ciwan ê Serketî girt.

Derhênera fransiz Alice Diop bi fîlmê xwe Saint Omer” xelata “Şêrê Pêşerojê” û “Şêrê Zîvîn” bi dest xist. Li aliyê din Xelata Rûmetê dar derhêner Ferzan Ozpetek.

Çîroka belgefîlm

Derhêner Laura Poitras di belgefîlmê xwe ‘All The Beauty And The Bloodshed’ de çîroka kariyeta Nan Goldin û ketina malbata Sackler digire dest