Diyarname

Derhêner Sibel Tekin vê sibê li mala xwe ya l Enqereyê hat binçavkirin. Serdozgeriya Komarê ya Enqereyê di encama lêpirsek de biryara binçavkirina derhênera belgefîlman Sibel Tekin da. Polîsan li mala wê lêgerîn çêkir û dest danî ser hin hardîsk, kamera û hin pirtûkên wê.

Tekîn li Tuzluçayirê li ser berdewamkirina saeta havînê belgefîlm dikişand. Hat îdîakirin ku Tekin di vê demê de erebeya serwîsê ya polîsan jî kişandiye, loma hatiye binçavkirin.

Vê êvarê hat ragihandin ku dema binçavkirina Tekînê hatiye dirêjkirin.

Sîbel Tekîn kî ye?

Derhêner Sîbel Tekîn ji Kirşehîra Tirkiyeyê ye. Sala 1977’an de hatiye dinê, 1999’an de xwendina xwe li Zanîngeha Enqereyê temam kiriye. Li Enqereyê di Beşa Belgefîlman a TRT’ê xebitiye. Hê jî li Zanîngeha Hacettepeya Enqereyê di beşa Radyo, Televîzyon Sînemayê de dixebite. Wê heta niha gelek belgefîlm kişandine.

Belgefîlmê yê dawî bi navê “Olum ne yana duşer usta” bû. Tekin di vî belgefîlmê ku di sala 2019’an de kişandibû, berê xwe dabû bûyera  komkujiya li Enqereyê ku çeteyên DAIŞ’ê di mîtîngê de bombe teqandibû.

“Tekeş işçileri direnişi”, “Islomaina”, “Yolcu yolun şarksa”, “12 Eylul ne? Kenan Evren kim?” hin belgefîlmên wê ne.