DiyarName.Com

Polîsan avêt ser mala Leyla Zana

Mala Leyla Zana jî têde li 11 bajaran polîs çûr malên gelek BDP'yiyan û ew girtin bin çavan. Polîsan li Edene, Enqere, S

Dîrok: 13/01/2012

Beş: Nûçe

Stenbol
Mala Leyla Zana jî têde li 11 bajaran polîs çûr malên gelek BDP'yiyan û ew girtin bin çavan. Polîsan li Edene, Enqere, Stenbol, Mêrsîn, Êlih, Agirî, Amed, Sêrt, Wan, Riha û Mêrdînê bi ser gelek malan de girt. Polîsan avêt ser navçeyên BDP'ê û Navenda Giştî ya KESK ê jî.

Gelek polîsan bi ser avahiya BDP'a Amedê, Navenda Giştî ya KURDÎ-DER, şaxên Egitim Sen û ÎHD yên Amedê de girtin. Li van deran lê lêgerîn didome.

Polîsan bi ser Rêxistina BDP'a Rihayê, Şaxa KURDÎ-DER û Akademiya Siyasetê ya BDP'a Rihayê, Rêxistina Navçeya Wêranşar û Şaredariya Nisêbîna Mêrdînê de jî girtin. Heya niha tu agahî nehatine ku kî hatiye binçavkirin lê di her du avahiyên navçeyan de lêgerîn didomin.

ÊLIH
Serdegirtin û lêgerînên vê sibê li Rêxistina BDP'a Êlihê û Akademiya Siyasî ya BDP'ê ya li Navenda Kar ya Çiraganê pêt hatin bi dawî bûn. Kazim Barişê ku di Akademiya Siyasetê de dixebitî hat binçavkirin. Her wiha dest danîn ser gelek belge û hard dîskên komputerên BDP'ê û akademiyê.

STENBOL
Li Stenbolê jî li gorî agahiyên hatin bidestxistin polîsan bi ser mala Seroka Rêxistina BDP'ê ya Bagcilarê Zekiye Îlbasan de girtin û Îlbasan binçav kirin. Hate zanîn ku Îlbasan birin Midûriyeta Polîsan a Stenbolê ya li Kolana Vatanê.

MÊRSÎN
Serokê Rêxistina Mêrsînê Musa Kulu ji aliyê polîsan ve ji mala li taxa Barbaros ya navçeya Yenîşehîrê ya Mêrsînê girtin anîn avahiya BDP'ê ya bajar. Polîsan avahiya BDP'ê dorpêçkirin û lêgerînê dikin. Li taxa Çavuşogluyê jî polîsan bi ser malekê de girt û hemwelatiyê bi navê Resul Aşkan binçavkirin.

Polîsan avahiya Rêxistina BDP'ê ya Sêrtê dorpêçkirin û li avahiya BDP'ê lêgerîn tê kirin.

BAZÎD
Polîsan li navçeya Bazîdê ya Agiriyê jî bi ser mala Endama Meclîsa Şaredariyê Nazan Baglan Sogut'e girt û Sogut binçavkirin.

ENQERE
Li Enqereyê jî polîsan bi ser Navenda Giştî ya KESK'ê, malên Cîgira Hevseroka Giştî ya BDP'ê û Parlementera Wanê ya berê Fatma Kurtulan û Cîgirê Hevserokê Giştî yê BDP'ê yê berê Tuncer Bakirhan û nûçegihanê DÎHA'yê Murat Çîftçî û gelek malên din de girt. Di serdagirtinan de heya niha Kurtulan hate binçavkirin û lêgerî hê berdevam dikin.

WAN
Rêxistina BDP'ê ya Wanê, avahiya Xizmetê ya Şaredariyê û avahiya VASKÎ ya aîdî Şaredariya Wanê ji aliyê polîs û leşkeran ve rastî serdagirtinan hatin. Derket holê ku bêyî agahiyê nîvê şevê derê saziyan hatiye şikandin û lêgerîn pêkanîn.

Operasyon li ser biryara 10'emîn Dadgeha Cezayên Giran ya Stenbolê pêktê.

DÎHA