Diyarname

Wezîrê Tundiristiyê yê Tirkiyeye Dr. Fahrettin Koca li herêma erdhejê fîlmekî kişand û bi ser twittera xwe re belav kir. Em hema wisa "fîlm" dibêjin, lê ev ne fîlmekî hunerî, fîlmê propagandayê ye.

6'ê mehê li Mereşê erdhej çêbû û li gor agahiyên fermî heta niha li 11 bajaran nezî 45 hezar kesî mirine. Hê jî li bajaran xelk dibêje konên me tune ne, cihê mayînê tune ye. Hê xelk li dû tasek ava paqij e. Lê Wezîrê Teduristiyê Fahrettin Koca bi vê fîlmê xwe yê ku li ser twittera xwe belav kir bi gotina herî biçûk propagandayê dike. Wî bi gotina "Li hemberî encamên afetê di dilan de hêz heye" parve kir. Lê di vîdyoyê de nexweşxaneyêr hilweşiyayî, doktor û hemşîreyên di bin de mirî tune ne.

Tenê li Hatayê çend nexweşxane hilweşiyan. Va ne ew:

- Nexweşxaneya Dewletê ya Îskenderûnê bi temamî hilweşiya.

- Nexweşxaneya Kevn a Dewletê ya Antakyayê bi temamî hilweşiya.

- Li Hatayê ji 3 nexweşxaneyên taybet Ankatya Deva û Akademi Hastanesi bi temamî hilweşiyan.

- Nexweşxaneya Araştirma a Hatayê xisar dît.

Ji van çîroka herî balkêş jî ya Nexweşxaneya Dewletê ya Îskenderûnê ye. Ev nexweşxane di sala 1968'an de hatiye çêkirin, yanê 55 sal in. Di sala 2012'yan de ji bo Bloka A a vê nexweşxaneyê rapora "di erdhejê de nikare li ser lingan bimÎne" hatiye sazkirin. Bi ser re 10 sal derbas bûne Wezareta Tenduristiyê ya Tirkiyeyê tiştek nekiriye û encam, di sala 11'an a vê raporê de nexweşxane hilweşiya ye. 

Û niha Wezaretê Tenduristiyê yê Tirkiyeyê Koca bi xebata ji bo mexdûrên erdhejê dike pesnên xwe dide.

Li aliyê din di twitterê de gelek kesî li bin twitta wezir gotin nivîsandin û ew fîlm rexne kirin.