Diyarname

Cih El Salvador e. Girtîgehek çêkirine ku navê "Navenda Têkoşîna li Dijî Terorê" lê kirine. Ev girtîgeh wisa mezin e ku cihê 40 hezar kesî têde heye. Di çarçoveya Rewşa Awarte de bi sedan, hezaran kes têne girtin û qefle bi qefle dişînin vê girtîgehê. Mehên borî bi hezaran endamên çeteyan sewqî vê girtîgehê kirin. 

REWŞA AWARTE DIDOME

Serokdewletê El Salvadorê Nayîb Bukele di adara sala borî de Rewşa Awarte ji bo mehek ragihandibû, lê her meh dema vê hatibû dirêjkirin. Di vê çarçoveyê de girtîgeh bi fermana Serokê welatê Amerîkaya Navîn El Salvadorê Nayîb Bukele hatiye çêkirin. Girtîgeha ku bi navê "mega" bilêv dikin di 2'ê reşemiya 2023'yan de, li ser erdekî 166 hektarî, li geliyek li bajarê Tecoluca ku 74 kîlometrî dûrî San Salvadorê ye hate vekirin.

BI HEZARAN ÇETE BIRIN GIRTÎGEHÊ

Kurtedemek berê Serokê dewletê Nayib Bukele dîmenên dema ku çeteyan dibin girtîgehê li ser hesabê xwe yê medyaya civakî parve kiribû û gotibû, “Îro me koma duyemîn a çeteyan ku ji 2 hezar kesî pêk tê şandiye Navenda Têkoşîna li Dijî Terorê. Bi vê komê nû re hejmara çeteyên li girtîgehê dijîn gihîştiye 4000'î.”

Di vîdeoya ku Bukele parve kiribû de, hat dîtin ku endamên çeteyan di bin ewlahiyeke tund de û bi şortên kurt, bedenên tazî, sewqî girtîgehê tên kirin. Herî dawî roja 26'ê reşemiya 2023'yan çeteyên girtî biribûn girtîgeha mezin.

"Navenda Parastina Terorê" ye ku ji bo têkoşîna li dijî çeteyan hatiye avakirin û tê gotin girtîgeha herî mezin a Amerîkayê ye.

SEDÎ 38 BÛYER KÊM BÛNE

Li gor daneyên Zanîngeha Navendî ya Amerîkayê ku di kewçêra 2022'yan de belav kirine, sedî 75,9'ê hemwelatiyên El Salvadorê ji Rewşa Awarte memnûn in. Baweriya wan ew e ku bi polîtîkayên Bukele asta sûcê daketiyê.

Di 24'ê sermaweza 2022'yan de Bukele gotibû ku di çarçoveya Rewşa Awarte de ji 60 hezarî zêdetir kes hatine girtin.

Li gor îstatîstikek jî bi vê polîtîkayê di navbera mehên rêbendan-kewçêra 2022'Yan de li gor heman demê ya 2021'ê asta sûcê sedî 38 daketiye.

Li vê girtîgehê rêgezên mafên mirovan, tenduristî, yan tiştên bi van ve girêdayî her meseleya nîqaşê ne. Jixwe li nav welat jî ev yek her bûye mijara rexneyan.