Diyarname
Îro ji bo parlemenê li Îsraîlê hilbijartin hebû. Piştî dengdan temam bû, anketên pêşî derketin.
Va ne hin not:
- Bloka muxalefetê Gadi Eisenkot li pêş e. Koalisyona desthilatdarî li dû ye.
- Televîzyonên Îsraîlê dibêjin ku bloka muxalefetê ya di bin rêberiya Gadi Eisenkot de dê 52-53 kursiyan bi dest bixe. Ji bo bloka desthilatdarî ya di bin rêberiya Netanyahu de jî dê nêzî 50 kursiyan bi dest bixe.
- Tu blok li Meclisê piraniya kursiyan nikare bi dest bixe. Ger wisa bidome, heta hikumeteke nû saz bike dê Netanyahu li desthilatdarî bimîne.
- Eisenkot piştî agahiyên pêşî daxuyaniyeke wisa belav kir, "Li hemberî Netanyahu û hikumeta wî dengên em bi we ne bawer in hatin dayîn."
- Gadi Eisenkot serfermandarê artêşa Îsraîlê yê berê bû; anketan digot ew û Netanyahu hema hema wekî hev dengan dê bigirin.

TEVLÎBÛNEKE MEZIN ÇÊBÛ
- Berî dendan bi dawî bibe bi 2 saetan hat ragihandin ku beşdarî sedî 66.7 bûye. Ev yek tê wateya 7.3 mîlyon hilbijêr çûne cem sindoqan ku ev yek li Îsraîlê rekor e.
- Dengdan li gor saetan herêmî saet 08'an de dest pê kir û li gor saeta Amedê saet 23.00'an bi dawî bû.

HEJMARA KURSIYAN
- Li Parlemena Îsraîlê 120 kursî hene. Ji bo hikumetek ava bibe divê partiyek/blokek 61 kursî bi dest bixe.
- Lijneya Hilbijartinên encamên pêşîn piştî dengdanê bi rojek belav dike; encamên fermî jî roja 4'ê sermawezê dê belav bike.