Diyarname

12 saziyên li ser kurdî dixebitin daxuyaniyeke nivîskî li ser 15'ê Gulanê Cejna Zimanê Kurdî belav kirin. Di daxuyaniyê de li ser hilbijartina ku duh li dar ket jî hat sekinîn û hat gotin ku divê hê zêdetir bixebitin. 

Di daxuyaniyê de wisa hat gotin, "Gelê kurd tevî hemû dijwarî û xetereyên qirkirinê heta roja îro bi hemû heybeta xwe li ser piyan e. Çawa ku gelê me hemû xetereyên li pêşiya xwe derbas kirine û di qonaxên dîrokî re derbas bûye û zimanê xwe bi awayekî wisa daye qebûlkirin ku tu hêz nikare ji nav bibe, ji niha û pê de jî dê zimanê xwe bibe asteke wisa ku layiqî zimanê me ye."

Di daxuyaniyê li ser derxistina kovara Hawarê hatiye sikînin û wisa hatiye gotin, "Celadet Alî Bedirxan û hevalên wî kovara Hawarê di bin şert û mercên wisa de derxistin ku ewrên reş û tarî bi ser gelê me de girtibû. Lê belê wan bi israr dest bi xebateke wiha kir û îro bi saya wê xebatê ye ku bingeha zimanê me ew qas xurt bûye. Em li vir careke din Celadet Alî Bedirxan û hemû hevalên wî bi rêzdarî bi bîr tînin û soza domandin û biserxistina rêya wan dubare dikin. Li dawiyê, em bi boneya 15'ê Gulanê Cejna Zimanê Kurdî careke din bi xurtî diyar dikin ku divê zimanê kurdî bibe zimanê fermî û perwerdeyê. Heta ku zimanê kurdî bibe zimanê fermî û perwerdeyê, em ê têkoşîna xwe bê rawestan bidomînin û em dibêjin ku em ê zimanê xwe, hebûna xwe di bin hemû şert û mercan de biparêzin, ew ê tu hêz nekare zimanê me tune bike."

Saziyên ku daxuyanî îmze kirine:

- Enstîtuya Kurdî ya Amedê – Amed

- Enstîtuya Kurdî ya Stenbolê – Stenbol

- Komeleya Lêkolînên Çand û Ziman a Avestayê – Îzmîr

- Komeleya Lêkolînên Çand û Ziman a Botan – Sêrt

- Komeleya Lêkolînên Çand û Ziman a Feradê – Semsûr

- Komeleya Lêkolînên Ziman û Çandê ya Arî-Derê – Êlih

- Komeleya Lêkolînên Ziman û Çandên Mezopotamyayê – Amed

- Komeleya Navenda Lêkolînên Ziman, Çand û Hunerê ya Arsîsayê – Wan

- Komeleya Wêjekarên Kurd – Amed

- Komeleya Ziman û Çandê ya Birca Belek – Cizîr

- Komeleya Ziman, Çand û Hunerê ya Enqayê – Enqere

- Kovara Destar – Amed

**

Nûçeyên Eleqedar:

- HDP'ê Cejna Zimanê Kurdî pîroz kir 

- Ji bo Cejna Zimanê Kurdî jin li kuçeyê bûn 

- Ji bo Cejna Ziman panelek: 'Wêjeya kurdî û derbiderî'