Diyarname

Kovara Nûbihar Akademî hûmareke newî vete û bi ene mûhare kewte serey xwu ya 10'inan.

Kovara serey desinan de hûmara xwu ya 19'inan pêşkêşê wendoxanê xwu û akademîsyenan kerd.

Kovara xebatanê akademîk a miyanneteweyî sere di hûmaran vecena. Hûmara xwe ya newî enka vete. Di ene hûmara de bi namey "Kurdê Zaza" dosyayke hamiya hedrekerdiş. Edîtorê dosya Dr. Nutettin Beltekin o. Di dosya de Ercan Çaglayanî bi nişteya "Kîtabanê Cografyayê Osmanîyan de Zazayî û Cografyayê Zazayan",  arun Bozkurt û İlyas Akman bi "Hetê Awanî ra Romanê Kilama Pepûgî" û Okan Alayî zî bi "Analîzê Arketîpkî yê Sanika Xerîb û Nasib" dosya de ca girot o. 

Qeybî dosya Metin Çiftçi nişteya "Çarçewaya Çar Fonksîyonê Folklorî da Edetê Dîwan yê Zazayan", Veysel Hanyildiz zî bi "Kitabê Mehmed Arîfî yê Binbir Hadisî da Derheqê Dersim û Dersimijan da Vîrardişê Ey" kede dawa dosya. 

Xeynî înan Nuh Bozkirî "Teoriyeke Derûnasiya Civakî: Teoriya Helwestên Bi Bingehên Reftarî", Heval Batu zî "Ferîştenasî di Êzidîtî û Yarsanîtîyê da" û Huda Salih zî bi "Çareserîya Çend Tîpên Kêşe li ser di Rênivîsa Zimanê Kurdî da" kede dawa dosya.

Gorey hedrekerdoxanê kovare ra, hûmara diyine ay serey 2023'yinan go serê “Rastnuştişê Kurdî” de bêro hedrekerdişî û edîtorî ene dosya zî go Dr. Zulkuf Ergun bikero.

Êke biwazê keyepelê dîjîtal ê kovare:

https://dergipark.org.tr/tr/pub/nubihar

http://nubiharakademi.com