Diyarname

11 sal berê wekî îro hêzên kurdan hêzên rejima Esad ji Kobanî qewirandin û serdemeke nû dan dest pê kirin. Piştî Kobanî roj bi roj ji bajarên din ên Rojava ji hêzên Esed qewirandir.

Bû 11 sal. Ji bo 11'emîn salvegera Rojava çalakî têne li dar xistin, daxuyanî têne belavkirin. KCD, HDP û DBP'ê jî îro ji bo salvegera rizgarkirina bajarên Rojava daxuyani belav kirin. Va ye kurteya ji van daxuyaniyan:

DBP: Bila bi rêya muzakereyan çareserî pêk were

DBP'ê di daxuyaniya nivîskî ku weşand de got ku bi taybetî de sedsala Peymana Lozanê de divê gelê kurd yekîtiya xwe ava bike ku carek din di nav gelê kurd de sînor neyên avakirin û wiha hat gotin, "Îro gel dixwazin ku bi hev re di nav aştiyê de bijîn. Dixwazin şer bi dawî bibe û bi rêya sêyemîn hemû pirsgirêk bên çareserkirin. Daxwaza me jî ew e ku bi rêya muzakereyan çareserî pêk were. Şoreşa Rojava ne tenê têkoşîna aştî û azadiya gelê kurd e. Ev şoreş, şoreşa hemû gelên ku li herêmê jiyan dikin, şoreşa azariya baweriyan û aştiyê ye. Em têkoşîna Şoreşa Rojava ya ku li Rojhilata NAvîn hebûna jiyaneke cuda da ber me, pergala rêya sêyemîn damezrand. Em ên ku ev şoreş pêkanîne silav dikin. Baweriya me ew e ku li erdnîgariya Kurdistanê, li Anatolya û li Rojhilata Navîn bi têkoşîna aştî û demokrasiye em dikarin hemû pirsgirêkan çareser bikin."

HDP: Daxwaza statuya herêmê peywira hemû azadîxwazan e

HDP'ê ku daxuyaniya nivîskî belav kiriye dibêje ku êrîşên Tirkiyeyê yên li hemberî gelên sivîl ên Rojava didomin, êrîşên hewayî û sûîkastî didomin ku ev êrîş bi tu awayî nayên astengkirin, hêzên navneteweyî van êrîşan temaşe dikin û car caran piştgirî didin van êrîşan. Daxuyanî wisa dibêje, "Gelên Bakur û Rojhilatê Sûriyeyê bi mirinê re rû bi rû tên hiştin. AKP mudexeleyê demografiya herêmê dike, bi dagirkirina Efrîn, Serêkanî, Girê Sipî. Ew hem dixwaze hafizeya gelê kurd têk bibe û hem jî herêmê ji gelê kurd phaqij bike. Divê bê zanîn ku ev êrîş ne tenê li hemberî gelê kurd e, li hemberî hemû gel, jin, ciwan û baweriyên ku dixwazin birûmet, azad û bi awayekî hevpar bi hev re bijîn tê meşandin. Parastina maf û destkeftiyên gelê kurd û gelên Bakur û Rojhilata Sûriyeyê, daxwaza statuya herêmê peywira hemû kesên azadîxwaz e."

HDP'ê gotiye ku ew Şoreşa Rojava silav dikin û soz dirdin ku dê peywira xwe ya destkeftiyên Şoreşa Rojava mayînde bibin bi cih bînin.

KCD: Emê destkeftiyên kurdan biparêzin

Kongreya Civaka Demokratîk (KCD) di daxuyaniya nivîski ku belav kirine de wisa got, "Di bin rêberiya jinên kurd û gelê kurd de bi têkoşîna hat dayîn li hemberî hovên DAIŞ'ê nirxên mirovahiyê hatine parastin, li hemberî berjewendiyên desthilatdaran berjewendiyên gel hatine parastin. Ji ber vê yekê Şoreşa Rojava bala dinyayê dikişîne ser xwe. Şoreşa Rojava nîşan daye ku dikare jiyana wekhev a gelan bê sazkirin. Şoreşa Rojava nîşan daye ku li Rojhelata NAvîn rêya çareseriyê rêya sêyemîn e e, jiyana wekhev û bi hev re mimkûn e."

KCD'ê gotiye ew Şoreşa Rojava silav dikin û dibêjin ku dê têkoşîna parastina bidestketiyên kurdan biparêzin.