Diyarname

Omegle platforma sohbetê bû ku kesên anonîm têkilhev dikir û bi ser online re ji bo sohbetê ew dianîn hemberî hev. Platformê piştî 14 salan xatir xwest û kilît li deriyê xwe da.

Omegle di sala 2009'an de dest bi weşanê kiribû. Avakarê wê Leif K-Brooks dema ev platform ava kir wê çaxê 18 salî bû. Platform bi lez populer bûbû. Ligel populerbûna wê, di salên borî de bi îdîayê îstîsmara online hatibû rexnekirin. Her ku çû asta rexneyan jî bilind bû. Avakarê platformê Leif K-Brooks biryara girtina platformê ragihand û got, "Êdî ne ji aliyê fînansê, ne jî ji aliyê psîkolojîk ve nikare bê domkirin." K-Brooks ji bo BBC qala zehmetiya platformê kiriye û gotiye, "A rast ez naxwazim di salên xwe yên 30'yî de qeyrana dil derbas bikim."

Piştî girtina platformê, wêneyek ku berkole têde ye û logoya Omegle li ser e belav kirin.